آفریدی نے اپنا دورۂ مظفر آباد مختصر کر کے پیش کر دیا

13 ستمبر ، 2019

آفریدی نے اپنے دورۂ مظفر آباد کو ویڈیو میں سمو دیا

پاکستان کرکٹ ٹیم کے سابق کپتان اور عالمی شہرت یافتہ آل راؤنڈر شاہد خان آفریدی نے کشمیریوں کے ساتھ اظہارِ یک جہتی اور بھارتی مظالم کے خلاف اپنے مظفر آباد کے دورے کو ویڈیو میں سمو دیا۔

سماجی رابطے کی ویب سائٹ پر جاری کی گئی ویڈیو میں بوم بوم نے اپنے سفر کے ساتھیوں شہزاد رائے، گلوکار فاخر، ہمایوں سعید اور دیگر کے ہمراہ مظفر آباد روانہ ہونے سے لے کر وہاں گزارے گئے لمحات کو مختصراً پیش کیا ہے۔

شاہد آفریدی نے مظفر آباد میں وزیرِ اعظم عمران خان کے بعد جلسے میں جو خطاب کیا اس کی جھلکیاں بھی اس ویڈیو میں نظر آتی ہیں۔

شاہد آفریدی نے ویڈیو میں کہا ہے کہ وہ اپنا یہ دورہ ان کشمیری خاندانوں، نوجوانوں، بچوں، بوڑھوں اور خواتین کے لیے کر رہے ہیں جو کہ بھارتی مظالم کے خلاف اٹھ کھڑے ہوئے ہیں۔

انہوں نے جلسے میں اپنے خطاب میں کہا کہ مجھے کشمیر سے زیادہ لگاؤ اس وجہ سے بھی ہے کہ میرے دادا کو 1949ء میں غازیٔ کشمیر کا لقب ملا تھا، میں نے ہمیشہ کشمیریوں کے لیے آواز اٹھائی ہے اور اٹھاتا رہوں گا۔

تازہ ترین