آپ آف لائن ہیں
جنگ ای پیپر
جمعرات 14؍ربیع الثانی 1441ھ 12؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

مقبوضہ کشمیر: کرفیو کو 100 دن مکمل، نوجوان شہید

مقبوضہ کشمیر میں بھارت کی جانب سے کیے گئے لاک ڈاؤن کو آج 100 دن مکمل ہو گئے، بھارتی جارحیت، ظلم و بربریت جاری ہے۔

مقبوضہ کشمیر: کرفیو کو 100 دن مکمل، نوجوان شہید


مقبوضہ وادی میں کرفیو، شہادتیں اور گرفتاریاں رک نہ سکیں، آج بھی مقبوضہ کشمیر کے علاقے گندربل میں ایک کشمیری نوجوان کو شہید کر دیا گیا۔

کشمیر میڈیا سروسز کے مطابق کشمیری نوجوان کو گھر گھر تلاشی اور محاصرے کی آڑ میں شہید کیا گیا ہے۔

گزشتہ 48 گھنٹوں کے دوران قابض ظالم بھارتی فورسز کے ہاتھوں مزید 3 کشمیری نوجوان شہید ہو چکے ہیں۔

بھارت نے گزشتہ 100 دن سے مقبوضہ کشمیر میں لاک ڈاؤن کر رکھا ہے، مقبوضہ وادی میں دکانیں، کاروباری مراکز، موبائل سروس انٹرینٹ، پبلک ٹرانسپورٹ اور تعلیمی ادارے بند ہیں۔

مقبوضہ وادی میں باغات اجڑ گئے ہیں، کاروبار ٹھپ ہو گئے ہیں، تاہم بھارت کے مظالم اور پابندیوں کے سامنے کشمیری سیسہ پلائی دیوار بنے کھڑے ہیں۔

یہ بھی پڑھیئے: ’’مقبوضہ کشمیر میں انسانیت مسلسل اذیت جھیل رہی ہے‘‘

ان 100 دنوں میں کشمیری نوجوانوں نے متعدد بار کرفیو توڑ کر بھارت کے خلاف مظاہرے کیے۔

بھارتی فورسز نےمظاہرین کے خلاف طاقت کا وحشیانہ استعمال کیا جس سے متعدد کشمیری زخمی بھی ہوئے۔

بین الاقوامی خبریں سے مزید