• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف سے 48 گھنٹوں میں میڈیکل رپورٹس طلب

تازہ ترین
قومی خبریں
14 جنوری ، 2020

محکمہ داخلہ پنجاب نے نوازشریف سے 48 گھنٹوں میں میڈیکل رپورٹس طلب کرلیں


محکمہ داخلہ پنجاب نے سابق وزیر اعظم نوازشریف کو خط لکھ کر 48 گھنٹوں میں ان کی میڈیکل رپورٹس طلب کرلیں۔

ذرائع کے مطابق محکمہ داخلہ پنجاب کی جانب سے نوازشریف کے ساتھ ڈاکٹرعدنان اور عطا تارڑ کو بھی خط بھیجا گیا ہے۔

محکمہ داخلہ پنجاب کا کہنا ہے کہ اطلاعات ہیں کہ نوازشریف کی صحت بہتر ہے اس لئے تازہ میڈیکل رپورٹ بھیجی جائیں۔

لگتا نہیں کہ نواز شریف لندن میں علاج کروا رہے ہیں، یاسمین راشد

پنجاب کی وزیرِ صحت ڈاکٹر یاسمین راشد کہتی ہیں کہ...

ذرائع پنجاب حکومت نے بتایا کہ فریقین کے درمیان اب تک 4 خطوط کا تبادلہ ہو چکا ہے،مسلم لیگ نون نے نواز شریف کی ضمانت میں توسیع کے لیے پہلا خط لکھا تھا۔

اس سے قبل نوازشریف کے ذاتی معالج ڈاکٹر عدنان کا بیان سامنے آیا تھا جس میں ان کا کہنا تھا کہ نوازشریف کی تمام میڈیکل رپورٹس پنجاب کےمتعلقہ حکام سے شیئر کی گئی ہیں، نوازشریف کی تازہ رپورٹ آج پنجاب حکومت کے متعلقہ حکام کو بھیجی گئی ہے۔

واضح رہے کہ علاج کی غرض سے لندن میں مقیم سابق وزیراعظم محمد نواز شریف اورشہباز شریف کی فیملی کے ہمراہ ہوٹل میں موجودگی کی تصویر سوشل میڈیا پر وائرل ہونے کے بعد وفاقی حکومت نے شدید ردعمل کا اظہار کیاہے ۔

وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ پر نواز شریف‘ شہباز شریف‘ اسحاق ڈار اور دیگر کی لندن کے ہوٹل میں کھاناکھانے کی تصویر جاری کرتے ہوئے کہاہے کہ لندن کے اسپتال کے انتہائی نگہداشت یونٹ میں ہونے والی ملاقات کے مناظر۔

کھا ئوپیو بیماری کا علاج انتہائی انہماک سے جاری ہے اور سارے مریض بہتر محسوس کر رہے ہیں۔

وزیرصحت پنجاب ڈاکٹر یاسمین راشد نے نوازشریف کے ذاتی معالج ڈاکٹرعدنان سے رابطہ کر کے نوازشریف کی تازہ میڈیکل رپورٹس فورابھجوانے کا کہا تھا۔

تازہ ترین