آپ آف لائن ہیں
ہفتہ3؍شعبان المعظم 1441ھ28 ؍مارچ 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

یورپی سرحد محافظوں کی 700 آسامیوں کیلئے 7500 درخواستیں

یورپین بارڈر گارڈ کی 700 آسامیوں کیلئے 7500 افراد نے درخواستیں جمع کرادیں۔ ملازمت کی یہ درخواستیں یورپین سرحدوں کو غیر قانونی طور پر زمینی راستے سے آنے والے امیگرنٹس کو روکنے کے لیے بنائے گئے ادارے Frontex کیلئے جمع کروائی گئی ہیں۔

ادارے نے ملازمت کا اشتہار گذشتہ سال اکتوبر میں دیا تھا۔ جس کی تفصیلات اب جاری کی گئی ہیں۔ یورپ اپنی سرحدی حدود میں غیر قانونی داخلے کو روکنے کے لیے امریکا کی طرح 10 ہزار افراد پر مشتمل بارڈر اینڈ کوسٹ گارڈ فورس بنا رہا ہے۔

جس کی اپنی نئی وردی سمیت نئی شناخت ہوگی۔ فرنٹکیس بارڈر گارڈز زیادہ تر یورپ کے Schengen ایریا کی زمینی، فضائی اور سمندری سرحدوں پر تعینات ہوں گے۔

لیکن انہیں با وقت ضرورت ایسے ممالک میں بھی تعینات کیا جا سکے گا جو یورپ سے باہر ہونگے اور وہ یورپین کمیشن کے ساتھ معاہدے پر دستخط کریں گے۔

بین الاقوامی خبریں سے مزید