آپ آف لائن ہیں
بدھ12؍ صفر المظفّر 1442ھ30؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

یوم یکجہتی کشمیر بھرپور جذبے‘ جوش و خروش سے منایا جائیگا‘ ڈپٹی کمشنر

راولپنڈی (اپنے رپورٹر سے) ڈپٹی کمشنر راولپنڈی کیپٹن (ر) انوار الحق کی زیرصدارت اجلاس ہوا- اس موقع پر ڈپٹی کمشنر نے کہا کہ تحصیلوں سمیت ضلع راولپنڈی میں یوم یکجہتی کشمیر بھرپور جذبے اور جوش و خروش سے منایا جائیگا جس کا مقصد کشمیری بھائیوں کے ساتھ اظہار یکجہتی کرنا ہے- یوم یکجہتی کشمیر کے سلسلے میں خصوصی پروگرام ترتیب دیئے گئے ہیں جن میں واکس، سکولوں اور کالجز میں انگلش اردو تقریری مقابلے، سیمینارز، پینٹنگز کے مقابلے، تصویری نمائش، انسانی ہاتھوں کی زنجیر سمیت دیگر تقریبات شامل ہیں- ادہر ڈپٹی کمشنر نے انسداد ڈینگی اجلاس میں ہدایت کی کہ کام موثر بنانے کیلئے افسران فیلڈ وزٹ کر کے کام کا خود جائزہ لیں۔ انسداد ڈینگی اقدامات کو نتیجہ خیز بنانے کیلئے مامور ٹیموں کی حاضری سو فیصد بنائی جائیگی۔ غفلت کے مرتکب عناصر کیخلاف کارروائی عمل میں لائی جائے۔

اسلام آباد سے مزید