کورونا کو روکنے کیلئے بھرپور اقدامات کر رہے ہیں: فیاض چوہان

پنجاب کے وزیرِ اطلاعات فیاض الحسن چوہان کہتے ہیں کہ حکومت کورونا ووائرس کے پھیلاؤ کو روکنے کے لیے بھرپور اقدامات کر رہی ہے۔

انصاف امداد پروگرام سے غریبوں کو ریلیف مل رہا ہے، فیاض چوہان

پنجاب کے وزیرِ اطلاعات فیاض الحسن چوہان کا کہنا ہے کہ وزیرِ اعظم عمران خان پرعزم طریقے سے انصاف امداد پروگرام کے ذریعے غریب اور نچلے طبقے کو ریلیف دے رہے ہیں۔

ایک بیان میں وزیرِ اطلاعات پنجاب فیاض الحسن چوہان نے کہا ہے کہ ذخیرہ اندوزوں، گراں فروشوں کے خلاف انتظامیہ کا کریک ڈاؤن جاری ہے۔

صوبائی وزیرِ پنجاب نے مزید کہا ہے کہ محکمۂ خوراک پنجاب نے فلور ملز کو گندم کی ترسیل 30 ہزار میٹرک ٹن کر دی ہے۔

یہ بھی پڑھیئے: کورونا، پنجاب میں حالات کنٹرول میں ہیں، فیاض چوہان

فیاض الحسن چوہان کا یہ بھی کہنا ہےکہ انصاف امداد پروگرام کے تحت اب تک ڈیڑھ سو کروڑ کی امدادی رقم مستحق افراد میں تقسیم کر دی گئی ہے۔