موجودہ حکومت کے سیاسی اثر و رسوخ سےنیب انکوائری شروع ہوئی، شہباز شریف

مسلم لیگ نون کے صدر اور قومی اسمبلی میں قائد حزب اختلاف شہباز شریف کا کہنا ہے کہ نیب نے بد نیتی کی بنیاد پر آمدن سے زائد اثاثوں کا کیس بنایا ہے،موجودہ حکومت کے سیاسی اثر و رسوخ کی وجہ سےنیب نے انکوائری شروع کی ہے۔

شہباز شریف نے بتایا کہ 2018 میں اسی کیس میں گرفتار کیا گیا تھا اور گرفتاری کے دوران نیب نےاختیارات کا ناجائز استعمال کیا تھا، میں نے اس دوران بھی نیب کےساتھ بھر پور تعاون کیا تھا، مگر ایک بھی ثبوت نیب کی جانب سے سامنے نہیں رکھا گیا۔

شہباز شریف کی عبوری ضمانت کی درخواست پرسماعت آج ہو گی

لاہور ہائی کورٹ کے مسٹر جسٹس طارق عباسی کی سربراہی میں دو رکنی بنچ آج اپوزیشن لیڈر شہباز شریف کی آمدن سے زائد اثاثوں اور منی لانڈرنگ کیس میں عبوری ضمانت کے لیے دائر درخواست پر سماعت کرے گا

نون لیگ کے صدر نے کہا کہ نیب ایسےکیس میں اپنے اختیار کا استعمال نہیں کرسکتا جس میں کوئی ثبوت موجود نہ ہو،میں تواترسے تمام اثاثے ڈکلیئر کرتا آ رہا ہوں۔

واضح رہے کہ لاہور ہائیکورٹ میں شہباز شریف کی قبل از گرفتاری ضمانت کی درخواست کی سماعت جسٹس طارق عباسی کی سربراہی میں دو رکنی بنچ آج کرے گا۔