آپ آف لائن ہیں
جمعہ7؍صفر المظفّر 1442ھ 25؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت کے نئے رافیل طیارے جلد اثاثوں کی بجائے بوجھ بن جائیں گے

اسلام آباد (صالح ظافر) اگرچہ بھارت میں فرانسیسی ساختہ رافیل طیاروں کے حصول کو باعث فخر سمجھا جا رہا ہے لیکن حقیقت یہ ہے کہ یہ طیارے اثاثے کی بجائے بوجھ بن جائیں گے۔ قرب و جوار کے علاقوں میں چین کے جدید ترین جے 20؍ اسٹیلتھ اور پاک فضائیہ کے سپر سانک میزائلوں کی موجودگی میں رافیل بھارتی فضائیہ کو جنوبی ایشیا میں برتری حاصل نہیں ہو پائے گی۔ رافیل بنانے والوں نے بڑے دعوے کیے ہیں کہ طیاروں کا نظام بہت ہی محفوظ ہے لیکن ان طیاروں کی تاریخ اٹھا کر دیکھیں تو حادثات سے بھری ہے۔ صرف ایک حادثے میں ہی دو رافیل طیارے سمندر میں گر کر تباہ ہوگئے تھے اور ایک پائلٹ کی لاش بھی کئی دنوں بعد سمندر سے برآمد کی گئی تھی۔ بھارتی دفاعی مبصر راہول بیدی نے ملکی قیادت کو نئے طیاروں کے خطرات سے آگاہ کیا ہے۔ فرانس سے آنے والے ان طیاروں کو پاکستانی سرحد کے قریب امبالہ بیس پر اتارا گیا ہے۔

اہم خبریں سے مزید