شادی شدہ جوڑوں کا قاتل ملزم عدالت میں پیش

گوجرانوالہ میں اپنی شادی نہ ہونے کا انتقام لینے کے لیے شادی شدہ جوڑوں کو قتل کرنے والے ملزم ارسلان کو عدالت میں پیش کردیا گیا، عدالت نے ملزم کو شناخت پریڈ کے لیے جیل منتقل کر دیا ہے۔

تھانہ پیپلز کالونی پولیس نے قتل کے 6 اور اقدام قتل کے 3 مقدمات میں ملوث ملزم ارسلان کو جوڈیشل مجسٹریٹ کی عدالت میں پیش کیا گیا۔

عدالت نے ملزم کو شناخت پریڈ کے لیے جیل منتقل کر دیا، پولیس کے مطابق ملزم کے ہاتھوں قتل اور زخمی ہونے والے تمام مقدمات نامعلوم ملزمان کے خلاف درج ہیں اس لیے قانونی تقاضے پورے کرتے ہوئے ملزم کی شناخت پریڈ کے بعد ہی اسے ان مقدمات میں نامزد کیا جائے گا۔