آپ آف لائن ہیں
اتوار2؍صفر المظفّر 1442ھ 20؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

انجلینا جولی نے امدادی اسٹال لگائے بچوں کے دل جیت لیے

ہالی ووڈ کی مقبول اداکارہ انجلینا جولی نے مشرقی لندن میں بچوں کی طرف سے یمن کے لیے لگائے گئے امدادی اسٹال کو خطیر رقم عطیہ کر کے دل جیت لیے۔

برطانوی ذرائع ابلاغ سے بات کرتے ہوئے ریڈبرج کے رہائشی6 سالہ ایان موسیٰ اور میکائل اسحاق نے بتایا کہ وہ سوچ بھی نہیں سکتے تھے کہ کوئی ان کے اس اسٹال پر آئے بغیر اور لیموں پانی پیئے بغیر ہی ان کی مدد کرے گا۔

انہوں نے مزید بتایا کہ اداکارہ انجلینا جولی کی طرف سے رقم کے ساتھ ایک تحریری پیغام بھی ملا ہے۔

انجلینا جولی نے اپنے خط میں لکھا کہ میں معذرت خواہ ہوں کہ میں آپ کے اسٹال سے لیموں پانی تو نہیں خرید سکتی لیکن کچھ رقم عطیہ کرنا چاہتی ہوں۔

انجلینا جولی نے بچوں کے اس اقدام پر سراہتے ہوئے ان کا حوصلہ بڑھایا اور کہا کہ یمن کے بچوں کیلئے اٹھایا گیا یہ اقدام قابلِ تحسین ہے۔

واضح رہے کہ ان دونوں دوستوں نے انجلینا جولی کو ایک ویڈیو پیغام بھیجا ہے جس میں انہوں نے اداکارہ سے کہا کہ آپ کا جب بھی لندن آنا ہو تو آپ بلا جھجھک یہاں سے تازہ لیموں پانی کا ایک گلاس ضرور پی سکتی ہیں۔

ایان اور میکائل اپنے امدادی اسٹال سے اب تک 67 ہزار پاؤنڈز اکٹھے کر چکے ہیں۔

خیال رہے کہ دنیائے عرب کا غریب ترین ملک یمن خانہ جنگی سے تباہ حال ہے،  یمن میں جاری خانہ جنگی میں گزشتہ برس 23 ہزار سے زائد افراد ہلاک ہوگئے تھے۔

انٹرٹینمنٹ سے مزید