آپ کا ہر پراجیکٹ کرپشن کی جیتی جاگتی تصویر ہے، شہباز گل

وزیراعظم عمران خان کے معاون خصوصی برائے سیاسی روابط شہباز گل نے احسن اقبال پر جوابی وار کرتے ہوئےکہا کہ آپ کا ہر پراجیکٹ کرپشن کی جیتی جاگتی تصویر ہے۔

احسن اقبال کے بیان پر ردعمل دیتے ہوئے شہباز گل نے کہا کہ الزامات کا جواب دینا ن لیگی اپنی شان کے خلاف سمجھتے ہیں۔

انہوں نے مزید کہا کہ آپ سے کرپشن سے متعلق سوال ہوتا ہے تو آپ اداروں پر چڑھائی شروع کردیتے ہیں۔

مجرموں کو سزا دینے کیلئے بل نہیں ول ہونی چاہیے، احسن اقبال

میڈیا سے گفتگو میں وزیراعظم عمران خان کے بیان پر ردعمل دیتے ہوئے احسن اقبال نے کہا کہ حکومت کے پاس کچھ کرنے کی قوت ارادی ہی نہیں۔

وزیراعظم کے معاون خصوصی نے کہا کہ آپ کا ہر پراجیکٹ کرپشن کی جیتی جاگتی تصویر ہے، اصل مسئلہ چیئرمین نیب سے نہیں کرپشن پر پوچھے گئے سوالات سے ہے۔

ان کا کہنا تھا کہ میاں صاحب نے اپنے اردگرد ارسطو اعظم جیسے کرپشن کے مہا رتھی رکھے ہوئے تھے۔

شہباز گل نے کہا کہ آپ کی مال بنانے کی ہوس نے آپ کو یہاں تک پہنچایا ہے، آپ پر تو نارووال اسپورٹس سٹی کمپلیکس منصوبے کی تعمیر میں خردبرد کا الزام ہے۔

انہوں نے یہ بھی کہا کہ ملتان، سکھر موٹر وے پراجیکٹ میں قومی خزانے کو 137 ارب کا ٹیکا لگانے والے آپ ہی ہیں۔

اس سے قبل اپنے بیان میں احسن اقبال نے کہا تھا کہ مجرموں کو سزا دینے کے لیے بل کی نہیں ول کی ضرورت ہوتی ہے۔