مریم صفدر کو بتانا ہوگا اعلان جنگ کس کے خلاف ہے، شہباز گل

وزیر اعظم کے معاون خصوصی برائے سیاسی ابلاغ ڈاکٹر شہباز گل کا کہنا ہے کہ مریم صفدر کو بتانا ہوگا اعلان جنگ کس کے خلاف ہے، زرداری نے سندھ جبکہ شریفوں نے ہمیشہ پنجاب کارڈ کھیلا۔

مریم نواز کی پریس کانفرنس پر ردعمل دیتے ہوئے شہباز گل نے اپنے ایک بیان میں کہا کہ ذاتی مفادات کے لیےصوبائیت جیسے گھناؤنےکھیل کی آڑ لی جارہی ہے، کرپشن کرکے این آر او کے بعد نظریاتی ہونے کا اسکرپٹ پرانا ہے۔

میاں صاحب نے طے کرلیا کہ اب کسی سے کوئی بات نہیں ہوگی، مریم نواز

مریم نواز نے پریس کانفرنس کرتے ہوئے کہ نواز شریف کو کسی سے تشبیہ نہیں دی جاسکتی ان کااپنا مقام ہے، جو نواز شریف کے ساتھ نہیں تھے وہ بھی آج ان کے ساتھ کھڑے ہیں۔

انہوں نے کہا کہ مفرور، اشتہاری، ضمانتی کی حکومت کو دھمکانے کی اوقات نہیں، جبکہ بیماری کے نام پر جھوٹ بول کر لندن بھاگنے والے بہادری پر تقریریں کررہے ہیں۔