• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا وائرس، CAA کے اندرونِ ملک ایئر ٹرانسپورٹ کے قواعد جاری

تازہ ترین
قومی خبریں
06 اکتوبر ، 2020


سول ایوی ایشن اتھارٹی (سی اے اے) نے کورونا وائرس کی وباء کو پھیلنے سے روکنے کے لیے اندرونِ ملک شعبہ ایئر ٹرانسپورٹ کے قواعد جاری کر دیئے، یہ قواعد آج سے 31 دسمبر تک لاگو رہیں گے۔

سی اے اے کے جاری کیئے گئے قواعد کے مطابق ایئرپورٹ سیکیورٹی فورس (اے ایس ایف) مسافروں کے سوا کسی فرد کو بھی پارکنگ ایریا سے آگے جانے سے روکنے کی پابند ہو گی۔

پیسنجر ٹرمینل بلڈنگ میں کوئی شخص بغیر ماسک داخل نہیں ہو سکے گا، بورڈنگ برج اور ڈیپارچر لاؤنج میں سماجی فاصلہ یقینی بنانا ایئر پورٹ مینیجر کی ذمے داری ہو گی۔

فضائی کمپنیاں کورونا ایس اوپیز پر عملدرآمد یقینی بنائیں، سی اے اے

سول ایوی ایشن اتھارٹی نے مقامی فضائی کمپنیوں کو ہدایت کی ہے کہ نیشنل کنٹرول اینڈ کمانڈ سینٹر کی ہدایات کےمطابق کورونا ایس اوپیز پر عملدرآمد یقینی بنائی جائے۔

ایئر لائنز اور بریفنگ کاؤنٹر ہر مسافر کو سینیٹائزر فراہم کرنے کے پابند ہوں گے، تمام مسافر و عملہ دورانِ پرواز ماسک پہننے اور دیگر ایس او پیز پر عمل درآمد کے پابند ہوں گے۔

مسافروں کی بورڈنگ سے پہلے جہاز کو ایس او پیز کے مطابق ڈس انفیکٹ کرنا لازمی ہو گا، ہر طیارے میں پی پی ایز کی موجودگی یقینی بنائی جائے گی۔

کیبن کریو مسافروں کو ہر گھنٹے بعد ہینڈ سینیٹائزر دینے کا پابند ہو گا، ڈومیسٹک پرواز کے مسافروں کے لیے پروٹوکول کی پابندی ہو گی۔

یہ بھی پڑھیے


مسافر کے علاوہ دیگر افراد پر ایئر پورٹ سے لاؤنج میں جانے پر پابندی ہوگی، ایئر پورٹ کے تمام حصوں اور جہاز میں سوار تمام افراد پر ماسک کے استعمال کی شرط لازم ہو گی۔

سی اے اے کی جانب سے جاری کیئے گئے قواعد میں یہ بھی کہا گیا ہے کہ جہاز پر سوار ہوتے اور اترتے وقت سماجی فاصلے، ہینڈ سینی ٹائزر اور ماسک کا استعمال یقینی بنانا ہو گا۔

تازہ ترین