گلشن دھماکے کے زخمی 3 نجی اور 2 سرکاری اسپتال لائے گئے، محکمہ صحت سندھ

محکمہ صحت سندھ کا کہنا ہے کہ کراچی کے علاقے گلشن اقبال بلاک 7 کی رہائشی عمارت میں ہونے والے پراسرار دھماکے کے زخمیوں اور لاشوں کو 3 نجی اور 2 سرکاری اسپتالوں میں لایا گیا ہے۔

ترجمان محکمہ صحت سندھ کے مطابق دھماکے کے 18 زخمی پٹیل اسپتال لائے گئے ہیں جن میں سے 3 کی حالت تشویش ناک ہے۔

کراچی: گلشن اقبال کی رہائشی عمارت میں دھماکا، 5 جاں بحق

کراچی کے علاقے گلشن اقبال بلاک 7 کی ایک رہائشی عمارت میں ہونے والے پراسرار دھماکے کے نتیجے میں 5 افراد جاں بحق جب کہ 28 سے زائد زخمی ہو چکے ہیں، دھماکا تخریب کاری کا نتیجہ ہے یا اتفاقی واقعہ ہے پولیس کسی نتیجے پر نہیں پہنچ سکی ہے۔

گلشن اقبال دھماکے سے متعلق محکمہ صحت سندھ نے بتایا کہ ایک زخمی دارالصحت اسپتال لایا گیا ، جبکہ واقعے کے 3 زخمی ماڈرن اسپتال یونیورسٹی روڈ میں زیر علاج ہیں۔

محکمہ صحت سندھ کے مطابق جناح اسپتال میں 3 زخمی زیرعلاج ہیں،عباسی شہید اسپتال میں 3 افراد کی لاشیں لائی گئی ہیں اور3 زخمی زیر علاج ہیں۔

مراد علی شاہ نے مسکن چورنگی دھماکے کا نوٹس لے لیا

وزیراعلیٰ سندھ سید مراد علی شاہ کی جانب سے مسکن چورنگی پر ہونے والے دھماکے کا نوٹس لے لیا گیا ہے۔

ترجمان محکمہ صحت سندھ کے مطابق دھماکے میں مجموعی طور پر 5 افراد جاں بحق اور 28 زخمی ہوئے ہیں۔

واضح رہے کہ ڈی آئی جی کراچی ایسٹ نعمان صدیقی کے مطابق کراچی کے علاقے گلشن اقبال میں مسکن چورنگی پر واقع ایک رہائشی عمارت میں آج صبح سوا 9 بجے خوفناک دھماکا ہوا جس کے نتیجے میں رہائشی عمارت کے کارنر کے دو فلیٹ مکمل طور پر تباہ ہو گئے جبکہ عمارت کو شدید نقصان پہنچا ہے۔

مسکن چورنگی دھماکے پر بلاول بھٹو کا اظہار افسوس

پاکستان پیپلز پارٹی کے چیئر مین بلاول بھٹو زرداری کی جانب سے کراچی کے علاقے مسکن چورنگی پر ہونے والے دھماکے میں قیمتی جانوں کے ضیاع پر افسوس کا اظہار کیا گیا ہے۔

پولیس کے مطابق دھماکا فلیٹ میں ہوا تاہم نوعیت کا فوری طور پر علم نہیں ہو سکا جس کے لیے بم ڈسپوزل اسکواڈ کی ٹیمیں موقع پر معائنہ کر رہی ہیں۔