فرمان الہی
نماز کے اوقات
وزیراعظم عمران خان کے معاون خصوصی برائے صحت ڈاکٹر فیصل سلطان نے کہا ہے کہ ملک میں کورونا کی دوسری لہر بتدریج شروع ہوچکی ہے۔
اسلام آباد میں پریس کانفرنس کرتے ہوئے ڈاکٹر فیصل سلطان نے بتایا کہ ملک میں اس وقت کورونا وائرس کے باعث اموات میں بھی اضافہ ہو رہا ہے۔
معاون خصوصی برائے صحت کا کہنا تھا کہ کورونا وائرس ٹیسٹ مثبت آنے کی شرح ڈھائی سے پونے تین فیصد تک پہنچ چکی ہے۔
ڈاکٹر فیصل سلطان نے کہا کہ کورونا وبا کے باعث پابندیوں کو سخت کرنا ناگزیر ہوتا جارہا ہے۔
انھوں نے بتایا کہ کاروباری سرگرمیوں اور تقریبات کے اوقات کار میں کمی کے لیے مشاورت جاری ہے۔
ڈاکٹر فیصل سلطان کا کہنا تھا کہ اگلے ایک دو روز میں واضح سفارشات سامنے آجائیں گی۔
انھوں نے یہ بھی بتایا کہ کل تمام صوبوں سے مشاورت کے بعد سفارشات سامنے لائیں گے۔
