فرمان الہی
نماز کے اوقات
پنسلوانیا کے ڈیموکریٹ گورنر ٹام وولف نے صدارتی انتخابات کے حتمی نتائج آنے سے قبل اپنی جیت کا اعلان کرنے پر آڑے ہاتھوں لیا اور اسے جمہوریت پر حملہ قرار دیا ہے۔
گورنر پنسلوانیا نے سوشل میڈیا پر جاری اپنے پیغام میں کہا کہ پنسلوانیا میں ایک ملین سے زائد میل ان بیلٹس ووٹوں کی گنتی ہونا باقی ہے۔
انہوں نے کہا کہ ٹرمپ کا بیان پنسلوانیا کے انتخابات، ہمارے ووٹوں اور جمہوریت پر متعصبانہ حملہ ہے۔
گورنر پنسلوانیا نے کہا کہ پنسلوانیا میں شفاف انتخابات ہونگے، ہم ہر ووٹ کی گنتی کریں گے۔
واضح رہے کہ ڈونلڈ ٹرمپ نے وائٹ ہاؤس میں خطاب کرتے ہوئے کہا کہ’ میرے نزدیک تو ہم الیکشن جیت چکے ہیں، مجھےایک شاندار فتح حاصل ہوئی ہے۔‘
امریکی صدر ڈونلڈ ٹرمپ نے اپنی جیت کا اعلان کیا اور ساتھ ہی انتخابی نتائج روکنے کو فراڈ قرار دے دیا، اس صورتِ حال پر سپریم کورٹ جانے کا اشارہ بھی دے دیا۔
