آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلاول بھٹو کے بیان کی غلط تشریح ڈوبتی کشتی کیلئے تنکے کا سہارا ہے، مریم نواز


سابق وزیر اعظم نواز شریف کی صاحبزادی اور ن لیگ کی نائب صدر مریم نواز نے کہا ہے کہ بلاول بھٹو زرداری کے بیان کی غلط تشریح کچھ لوگوں کی ضرورت ہے، یہ ڈوبتی کشی کو تنکےکا سہارا ہے۔

اسلام آباد ایئرپورٹ پر میڈیا سے گفتگو میں مریم نواز نے کہا کہ اپوزیشن اتحاد پاکستان ڈیموکریٹک موومنٹ (پی ڈی ایم) کا مستقبل بدلا ہوا پاکستان ہے۔


انہوں نے کہا کہ اپوزیشن اتحاد پی ڈی ایم میں دراڑیں ڈالنے کی کوشش کی جارہی ہے، بلاول بھٹو، پیپلز پارٹی، میں اور ن لیگ جانتے ہیں یہ کون اور کیوں کرارہا ہے۔

ن لیگی رہنما نے مزید کہا کہ مسلم لیگ (ن) کا بیانیہ عوام کا بیانیہ ہے، نوازشریف کی اصل منزل اور مقام پاکستان ہے، وہ ضرور وطن لوٹیں گے۔

ان کا کہنا تھا کہ گلگت بلتستان میں یہ دھاندلی کرچکے اور کرنا چاہ رہے ہیں، ن لیگ نے عوام کی خدمت کی ہے اور میں لوگوں کے جذبات دیکھ کر آئی ہوں۔

قومی خبریں سے مزید