آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہمارا گلگت بلتستان سے 3 نسلوں کا ساتھ ہے، بلاول بھٹو


پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ ہمارا گلگت بلتستان سے 3 نسلوں کا ساتھ ہے۔

ہنزہ میں جلسہ عام سے خطاب میں بلاول بھٹو زرداری نے کہا کہ میں 3 نسلوں کے رشتے کو پھر سے قائم کرنا چاہتا ہوں۔

انہوں نے کہا کہ شہید ذولفقار علی بھٹو اور بینظیر بھٹو شہید کا نامکمل مشن ہم اور آپ مکمل کریں گے۔

پی پی چیئرمین نے مزید کہا کہ سابق صدر آصف علی زرداری نے گلگت بلتستان کو شناخت دلائی، ہم یہاں کے عوام کو روزگار دلائیں گے۔


ان کا کہنا تھا کہ شہید بھٹو نے ایف سی آر کا نظام ختم کیا، گلگت بلتستان کے عوام کو صوبہ دینا ہے، جی بی کے نمائندے کو قومی اسمبلی اور سینیٹ میں بٹھانا ہے۔

بلاول بھٹو زرداری نے کہا کہ گلگت بلتستان سی پیک کے دروازے پر ہے، افسوس جی بی کو پوچھنا پڑ رہا ہے کہ سی پیک کہاں ہے۔

انہوں نے کہا کہ سی پیک سب سے پہلے گلگت بلتستان میں شروع ہونا چاہیے تھا۔

ان کا یہ بھی کہنا تھا کہ جی بی کے عوام کی محنت کی وجہ سے پی پی کامیاب ہوئی۔

پی پی چیئرمین نے کہا کہ سی پیک میں جی بی کے لوگوں کو پہلے فائدہ ملنا چاہیے، ہم یہاں کے عوام کو حق ملکیت دلوانا چاہتے ہیں۔

ان کا کہنا تھا کہ سی پیک سمیت تمام منصوبوں میں جی بی کے عوام کو روزگار دیں گے۔

قومی خبریں سے مزید