کراچی کے علاقے اورنگی ٹاؤن کے ایک گھر سے تین بچوں کی لاشیں ملی ہیں۔ ذرائع کا کہنا ہے کہ تینوں بچوں کو گلا دباکر قتل کیا گیا ہے ۔
ریسکیو ذرائع کے مطابق ہلاک بچوں میں دو بچیاں اور ایک بچہ شامل ہے۔ایک بچی کی عمر 8سال، دوسری بچی کی عمر 5سال اور بچے کی عمر 3سال ہے۔لاشوں کو پوسٹ مارٹم کیلئے ایمبولینسوں کے ذریعے اسپتال منتقل کیا گیا ہے۔
مقتول بچوں کے والد کا اسپتال میں گفتگو کرتے ہوئے کہنا ہے کہ تین گھنٹےہوگئے، اسپتال میں کوئی ڈاکٹر دیکھنے نہیں آیا، نہ ہی بچوں کی لاشوں کو لےجانے کی اجازت دے رہے ہیں، جس وقت یہ واقعہ ہوا ہے بچوں کی ماں اور بڑی بہن بازار گئی ہوئی تھیں۔
ایس ایس پی ویسٹ اظفر مہیسرکا کہنا ہے کہ واقعے کی جگہ کا معائنہ کرکے مزید تحقیقات کی جائے گی،لگتا ہے بچوں کو گلا دبا کر قتل کیا گیا ، پوسٹمارٹم رپورٹ اورٹیکنیکل شواہد سے واردات کا پتا چلائیں گے۔
فرمان الہی
نماز کے اوقات
