پاکستانی کیڈٹ نے قوم کا سر فخر سے بلند کردیا

04 دسمبر ، 2020

آسٹریلین رائل ملٹری کالج میں پاک فوج کے حارث معراج بہترین غیرملکی کیڈٹ قرار

پاک فوج کے کیڈٹ حارث معراج کو رائل ملٹری کالج ڈنٹرون آسٹریلیا میں منعقد ہونے والی پاسنگ آؤٹ پریڈ میں بہترین غیر ملکی کیڈٹ کے اعزاز سے نوازا گیا ہے۔

پاکستانی کیڈٹ حارث معراج نے پوری دنیا میں پاکستانی قوم کا سر فخر سے بلند کردیا ہے۔

آئی ایس پی آر کے مطابق آسٹریلیا کی فوجی تربیت کے معروف ادارے رائل ملٹری کالج کی پاسنگ آؤٹ پریڈ کے موقع پر پاک فوج کے کیڈٹ محمد حارث معراج کو مجموعی طور سب سے بہترین غیر ملکی کیڈٹ قرار دیا گیا ہے۔

آئی ایس پی آر کے مطابق یہ اعزاز پاک فوج کی جونیئر لیڈر شپ کے اعلیٰ تربیتی معیار، سخت محنت اور لگن کا ثبوت ہے۔

یہ بھی پڑھیے

ڈی جی آئی ایس پی آر کے مطابق یہ کامیابی اس بات کا ثبوت ہے کہ پاک فوج کی جونیئر لیڈر شپ کی تربیت کا معیار انتہائی بلند ہے اور وہ اپنے مقصد کے ساتھ کتنے مخلص ہیں۔