الحمد اللّہ میرا کورونا وائرس ٹیسٹ منفی آگیا، نیلم منیر

بے شمار پاکستانی ڈراموں میں اپنی اداکاری کے جوہر دکھانے والی خوبرو اور باصلاحیت اداکارہ نیلم منیر عالمی وبا کورونا وائرس سے صحتیاب ہوگئیں۔

اس حوالے سے نیلم منیر نے اپنے تصدیق شدہ انسٹاگرام اکاؤنٹ پر ایک ویڈیو پیغام جاری کیا ہے جس میں اُنہوں نے اپنے مداحوں ایک بڑی خوشخبری دیتے ہوئے کہا کہ ’اللّہ تعالیٰ مجھ پر بہت کرم کیا ہے کیونکہ میرا کورونا وائرس ٹیسٹ منفی آگیا ہے۔‘

نیلم منیر نے کہا کہ ’میں اب بالکل ٹھیک ہوں اور میں اُن تمام لوگوں کی شُکرگزار ہوں جنہوں نے میری جلد صحتیابی کے لیے ڈھیر ساری دُعائیں کی۔‘

اداکارہ نے کورونا وائرس کی علامات سے متعلق کہا کہ ’میں بہت جلد اپنے اگلے ویڈیو پیغام میں اس حوالے سے ضرور بتاؤں گی کہ مجھے کون کونسی کورونا علامات ظاہر ہوئیں اور میں نے اپنا خیال کیسے رکھا۔‘

نیلم منیر بھی کورونا وائرس کی دوسری لہر کی شکار ہوگئیں؟

پاکستان کے متعدد ڈراموں میں اپنی اداکاری کے جوہر دکھانے والی خوبرو اور باصلاحیت اداکارہ نیلم منیر سے متعلق یہ خبریں زیرِ گردش ہیں کہ اداکارہ کورونا وائرس کی دوسری لہر کا شکار ہوگئی ہیں۔

نیلم منیر نے اپنے اس ویڈیو پیغام کے کیپشن میں لکھا کہ ’الحمداللّہ میرے کورونا وائرس ٹیسٹ کی رپورٹ منفی آگئی ہیں۔‘

اُنہوں نے لکھا کہ ’ہر ایک کی دُعاؤں اور محبت بھرے پیغامات کے لیے بہت شکریہ۔‘

اداکارہ نے یہ خوشخبری 11 گھنٹے قبل ہی اپنے مداحوں کے ساتھ شیئر کی ہے اور اب تک اُن کی اس پوسٹ کو دو لاکھ 27 ہزار سے زائد صارفین لائک کرچکے ہیں جبکہ کورونا وائرس سے صحتیابی پر نیلم منیر کو مبارکباد دینے کا سلسلہ بھی جاری ہے۔

ماہرہ خان بھی کورونا وائرس میں مبتلا

عالمی شہرت یافتہ اداکارہ ماہرہ خان کا کورونا وائرس ٹیسٹ مثبت آگیا۔

خیال رہے کہ پاکستان شوبز انڈسٹری کے متعدد فنکار کورونا وائرس کا شکار ہوچکے ہیں جن میں اداکارہ روبینہ اشرف، ماہرہ خان، گلوکار جواد احمد، بہروز سبزواری، عثمان مختار، ندا یاسر، ماڈل علیزے گبول، صحیفہ جبار، امیر گیلانی، مریم نفیس اور واسع چوہدری سمیت دیگر بھی شامل ہیں۔