آپ آف لائن ہیں
جمعہ13؍ رجب المرجب 1442ھ 26؍فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اپوزیشن اتحاد آخری سانسیں لے رہا ہے، فیصل جاوید کا دعویٰ

حکمران جماعت پی ٹی آئی کے سینیٹر فیصل جاوید نے دعویٰ کیا ہے کہ اپوزیشن اتحاد پاکستان ڈیموکریٹک موومنٹ (پی ڈی ایم) آخری سانسیں لے رہا ہے۔

راولپنڈی آرٹس کونسل میں قائد اعظم ڈے کی تقریب سے خطاب میں فیصل جاوید نے کہا کہ اپوزیشن نے استعفے دینے ہیں تو31 دسمبر تک دے دیں تاکہ نیا سال واقعی نیو ائیر بن جائے۔

انہوں نے کہا کہ مریم نواز اپنے لوگوں کو استعفے دینے کی دھمکیاں دے رہی ہیں، کہتی ہیں استعفے نا دیئے تو ان اراکین اسمبلی کے گھروں کا گھیراؤ کریں گے۔


پی ٹی آئی سینیٹر نے مزید کہا کہ اپوزیشن اپنے خلاف نیب ریفرنس ختم کرنے کا مطالبہ کرتی ہے، پی ڈی ایم کو آج این آر او دے دیں تو یہ تحریک ختم ہوجائے گی۔

ان کا کہنا تھا کہ اپوزیشن نے نیب کی 38 میں سے 34 شقوں کو تبدیل کرنے کا کہا تھا، پی پی پی اور ن لیگ نے لکھ کردیا کہ عوامی مفادکی قانون سازی میں ساتھ دیں گے۔

فیصل جاوید نے یہ بھی کہا کہ مریم نواز کہتی تھی کہ میری باہر کیا ملک بھی کوئی جائیداد نہیں وہ دو فلیٹس کی مالکن ثابت ہوگئیں، لندن فلیٹس اور این آر او سے متعلق کوئی بات نہیں کریں گے۔

انہوں نے کہاکہ عمران خان جو کر رہے ہیں وہ سب قوم کیلئے ہے۔

قومی خبریں سے مزید