• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

موزے پہن کرسونے کے صحت پر خطرناک نقصانات

تازہ ترین
صحت
29 دسمبر ، 2020
موزے پہن کے سونے کے صحت پر خطرناک نقصانات

سرد موسم کے دوران ٹھنڈ سے بچنے کے لیے موزے پہن کر سونا عام بات ہے مگر اس عمل سے صحت پر خطرناک منفی اثرات مرتب ہو سکتے ہیں۔

طبی ماہرین کے مطابق موزے پہن کر سونا صحت مندانہ طرز عمل نہیں ہے، موزے پہن کے سونے سے نیند کے دوران، مجموعی صحت پر منفی اثرات مرتب ہوتے ہیں جن میں نیند میں خلل پڑنا، بلڈ پریشر کا بڑھ جانا اور تنگ موزے پہننے کے باعث جلد پر انفیکشن کا ہو جانا شامل ہے۔

طبی ماہرین کے مطابق موزے پہن کر سونے کے نتیجے میں صحت سے متعلق مندرجہ ذیل 4 شکایات کا سامنا کرنا پڑ سکتا ہے۔

دُلہنوں کیلئے 9 بہترین فیس ماسک

سال کے آغاز اور آخری مہینوں میں موسم سرما کے ساتھ شادیوں کا سیزن بھی عروج پر ہوتا ہے اور ہر دُلہن اور دولہے کا یہ خواب ہوتا ہے کہ وہ اس دن سب سے ہٹ کر اور خوبصورت نظر آئے۔

کافی پینا طویل زندگی کا باعث بن سکتا ہے؟

میڈیکل جریدے شائع ہونے والی ایک تحقیق کے مطابق کافی اور لمبی عمر کے درمیان ایک رابطہ ہے۔

ہائی بلڈ پریشر

موزے پہن کر سونے سے بلڈ پریشر بڑھ جاتا ہے جس کا براہ راست اثر دل پر پڑتا ہے، نیند کے دوران بلڈ پریشر کا بڑھنا صحت کے لیے منفی ثابت ہوتا ہے، ماہرین کے مطابق اگر سونے سے قبل موزے کافی وقت پہلے سے پہنے ہوئے ہیں تو پھر انہیں اتارے بغیر سویا جا سکتا ہے ۔

پاؤں کی صحت خراب ہو سکتی ہے

پاؤں بھی انسانی جسم کا اہم حصہ ہوتے جنہیں سب سے زیادہ نظر انداز کیا جاتا ہے اور  پاؤں کی صحت اور ان کی صفائی پر توجہ نہیں دی جاتی۔

یہ بھی پڑھیے


پاؤں کی جلد پر موجود مساموں کو بھی تازہ ہوا کی ضرورت ہوتی ہے جبکہ موزے پہن کر سونے کے دوران مسام بند ہو سکتے ہیں جس کے نتیجے میں پاؤں کی صفائی اور صحت سے متعلق شکایات جنم لیتی ہیں۔

پاؤں کی جلد پر انفیکشن ہو سکتا ہے

سونے سے قبل موزے پہننے کی عادت جِلد کے لیے اچھی ثابت نہیں ہوتی، اکثر خواتین و مرد ایڑیوں کو پھٹن سے بچانے کے لیے رات سونے سے قبل پیٹرولیم جیل لگا گر پھر موزے پہن کر سوتے ہیں، ایسے میں روزانہ کی بنیاد پر ایک ہی موزوں کی جوڑی کا استعمال جِلد پر با آ سانی انفیکشن کا سبب بن سکتا ہے۔

سردیوں میں روزانہ کھیرا کھانے کے حیران کُن فوائد

زیادہ تر لوگ کھیرے کو گرمیوں میں کھانا پسند کرتے ہیں لیکن اسے سردیوں میں کھا کر بھی بےشمار فوائد حاصل کیے جاسکتے ہیں۔

رات سونے سے قبل پیٹرولیم جیل لگا سکتے ہیں مگر اُن پر گندے موزے پہننا سنیگن جلد کا انفیکشن کر سکتا ہے۔

جسم کا درجہ حرارت بڑھ سکتا ہے

موسم سرما میں ٹھنڈ سے بچنے کے لیے لحاف اور ہیٹر کا استعمال کرنا مناسب ہے مگر رات کے دورانیے میں موزے پہن کے سونے سے جسم کا درجہ حرارت ضرورت سے زیادہ بڑھ سکتا ہے جس کے نتیجے میں نیند میں خلل اور دن میں بے چینی جیسی شکایت کا سامنا کرنا پڑ سکتا ہے۔

ٹھنڈے پاوؤں کو نارمل درجہ حرارت پر رکھنے کے لیے مندرجہ ذیل تجاویز پر عمل کیا جا سکتا ہے۔

سونے سے قبل اپنے پاوؤں کو گرم تیل سے مساج کر لیں۔

پاوؤں کو گرم پانی سے دھوئیں اور لحاف میں لپیٹ لیں۔

وزن میں کمی کیلئے زیرہ فائدہ مند کیسے؟

موٹاپے سے پریشان افراد اپنا وزن گھٹانے کے لیے ہر طرح کی کوشش کرتے ہیں اور مشکل سے مشکل کام سے بھی گریز نہیں کرتے، وزن میں کمی لانا اب اتنا بھی مشکل نہیں رہا ہے، ہر گھر کے کچن میں بآسانی دستیاب گرم مسالے میں شمار کیے جانے والا زیرہ موٹاپا کم کرنے میں حیران کُن حد تک مدد فراہم کر سکتا ہے۔

ٹھنڈے پاوؤں پر گرم پانی کی بوتل سے ٹکور کی جا سکتی ہے۔

رات سونے سے ایک گھنٹہ قبل اپنے پاوؤں پر گرم موزے پہن لیں جب پاوؤں کا درجہ حرارت نارمل ہو جائے تو موزے اتار کر پاوؤں لحاف میں لپیٹ کر سو جائیں۔

تازہ ترین