• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بچے کو بد فعلی کے بعد جلا کر قتل کیا گیا: والدین

تازہ ترین
قومی خبریں
17 جنوری ، 2021
خضدار: 6 سالہ بچے کی موت کا معمہ حل نہ ہو سکا

بلوچستان کے ضلع خضدار میں 2 روز بعد بھی 6 سالہ بچے کی موت کا معمہ حل نہ ہو سکا۔

والدین کا کہنا ہے کہ بچے کو بد فعلی کے بعد جلا دیا گیا، جبکہ پولیس سرجن کے مطابق بچے سے زیادتی کے شواہد نہیں ملے،موت حادثاتی ہوسکتی ہے۔

خیرپور، 7 سالہ بچی مبینہ زیادتی کے بعد قتل

صوبہ سندھ کے شہر خیرپور میں دو روز سے لاپتہ 7 سالہ بچی کو مبینہ زیادتی کے بعد قتل کر دیا گیا ہے۔

بچے کے جل کر جاں بحق ہونے کا واقعہ خضدار کے علاقے بلوچ آباد میں پیش آیا۔

والدین کا کہنا ہے کہ امیر حمزہ کو خالی پلاٹ میں لے جا کر بد فعلی کا نشانہ بنایا گیا اور پھر جلا دیا گیا۔

انہوں نے مزید کہا کہ بچے کو شدید زخمی حالت میں گورنمنٹ ٹیچنگ اسپتال منتقل کیا گیا، جہاں ڈاکٹروں نے سرسری معائنہ کیا۔

یہ بھی پڑھیے


والدین کا یہ بھی کہنا ہے کہ پولیس اور ڈاکٹروں نے جو مؤقف اختیار کیا ہے وہ یک طرفہ ہے، معصوم بچے کا ناحق قتل ہوا۔

دوسری جانب پولیس سرجن ڈاکٹر جاوید کا کہنا ہے کہ بچے سے زیادتی کے شواہد نہیں ملے۔

تازہ ترین