بیلجیئم میں سفارتخانہ پاکستان 28 جنوری کو آن لائن کھلی کچہری منعقد کرے گا
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیلجیئم میں سفارتخانہ پاکستان 28 جنوری کو آن لائن کھلی کچہری منعقد کرے گا

بیلجیئم اور لکسمبرگ کی پاکستانی کمیونٹی کے ساتھ برسلز میں موجود سفارت خانہ پاکستان 28 جنوری کو آن لائن کھلی کچہری منعقد کرے گا۔

اس بات کا اعلان بیلجیئم لکسمبرگ اور یورپین یونین کیلئے سفیر پاکستان ظہیر اسلم جنجوعہ نے پاکستانی کمیونٹی کے نام اپنے ایک ویڈیو پیغام میں کیا۔

انہوں نے کہا کہ حکومت پاکستان کی ہدایت پر بیلجئیم اور لکسمبرگ میں رہنے والی پاکستانی کمیونٹی کی شکایات سے آگاہی، ان کے تدارک اور آپ کی رائے سے خدمات میں مزید بہتری کیلئے کھلی کچہریوں کا سلسلہ شروع کیا جا رہا ہے۔

اس سلسلے کی پہلی کھلی کچہری 28 جنوری بروز جمعرات مقامی وقت کے مطابق 3 بجے منعقد ہوگی۔

انہوں نے کہا کہ مقامی حکومت کی ہدایات کے مطابق کورونا وائرس کے باعث یہ کچہری آن لائن منعقد کی جارہی ہے۔ 


جیسے ہی عوامی اجتماعات پر پابندی ختم ہوگی تو ان کا سلسلہ سفارت خانے کے اندر شروع کردیا جائیگا۔

انہوں نے امید ظاہر کی کہ بیلجیئم اور لکسمبرگ میں رہنے والی پاکستانی کمیونٹی اس میں بھر پور شرکت کرے گی۔

قبل ازیں انہوں نے اپنے ویڈیو پیغام کے آغاز میں کمیونٹی کو نئے سال کی مبارکباد پیش کرتے ہوئے امید ظاہر کی کہ نیا سال پاکستان اور تمام پاکستانیوں کیلئے خوشحالی، ترقی اور امن کا پیغام لائے۔

قومی خبریں سے مزید