رشی کپور نے اہلیہ کیساتھ پہلی بار ڈانس کب کیا تھا؟

بالی ووڈ کے لیجنڈری اداکار رشی کپور کی اہلیہ و بھارتی اداکارہ نیتو کپور نے وہ ویڈیو سوشل میڈیا پر شیئر کردی جب اُنہوں نے پہلی بار رشی کپور کے ساتھ ڈانس کیا تھا۔

سماجی رابطے کی ویب سائٹ انسٹاگرام پر نیتو کپور نے 46 سال پُرانی ایک نایاب ویڈیو شیئر کی ہے۔

مذکورہ ویڈیو رشی کپور اور نیتو کپور کی فلم ’زندہ دل‘ کے گانے ’شام آئی سُہانی‘ کی ہے جبکہ یہ فلم سال 1975ء میں ریلیز ہوئی تھی۔

ویڈیو میں دیکھا جاسکتا ہے کہ رشی کپور ڈفلی بجارہے ہیں جبکہ اُن کی اہلیہ بڑے ہی شاندار انداز میں اپنی سہیلیوں کے ہمراہ ڈانس کر رہی ہیں۔

رشی کپور کو ہمیشہ اپنے ساتھ محسوس کرتی ہوں، نیتو کپور

بالی ووڈ کے لیجنڈری اداکار رشی کپور کی اہلیہ و بھارتی اداکارہ نیتو کپور کی سات سال بعد فلمی دُنیا میں واپسی ہوگئی ہے اور اس موقع پر اُن کا کہنا تھا کہ وہ ہمیشہ رشی کپور کو اپنے ساتھ محسوس کرتی ہیں۔

نیتو کپور نے یہ نایاب ویڈیو شیئر کرتے ہوئے کیپشن میں بتایا کہ ’یہ وہ گانا ہے جب اُنہوں نے اپنی زندگی میں پہلی بار رشی کپور کے ساتھ ڈانس کیا تھا۔‘

رشی کپور اور نیتو کپور کی اس یادگار ویڈیو کو اب تک دو لاکھ 83 ہزار سے زائد صارفین لائک کرچکے ہیں۔

نیتو کپور، رشی کپور کے ڈاکٹرز کی شکر گزار

بالی ووڈ کے لیجنڈری اداکار رشی کپور کی موت کے بعد اُن کی اہلیہ نیتو کپور نے اپنے سوشل میڈیا پیغام میں اُس اسپتال کے ڈاکٹرز اور طبی عملے کا شکریہ ادا کرلیا جہاں اُن کے شوہر رشی کپور زیرِ علاج تھے۔

یاد رہے کہ رشی کپور اور نیتو کی شادی 1980 میں ہوئی تھی اور اِس جوڑی نے ایک ساتھ 12 فلموں میں بھی کام کیا ہے۔

رشی کپور اور نیتو کپور کی ایک بیٹی اور ایک بیٹا ہے، اُن کی بڑی بیٹی ردھیما کپور ہیں جبکہ بیٹا بالی ووڈ اداکار رنبیر کپور ہے۔

نیتو کپور کا رشی کپور کیلئے الوداعی پیغام

بھارتی فلم انڈسٹری کے لیجنڈری اور سینئر اداکار رشی کپور کی اہلیہ اداکارہ نیتو کپور نے اُن کے لیے الوداعی پیغام لکھ دیا۔

دُنیا بھر میں مشہور بھارتی لیجنڈری اداکار رشی کپور نے گزشتہ سال 30 اپریل کی صبح ممبئی کے این ایچ رلائنس اسپتال میں زندگی کی آخری سانسیں لیں۔

بھارتی اداکار رشی کپور67 سال کی عمر میں چل بسے

بھارتی فلم انڈسٹری کے سینئر اداکار رشی کپور 67 سال کی عمر میں چل بسے۔

دوسری جانب  نیتو کپور آج کل اپنی نئی فلم ’جُگ جُگ جیو‘ کی شوٹنگ میں مصروف ہیں جو رواں سال ریلیز کی جائے گی۔