• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت نے دلیپ کمار کے آبائی گھر کی قیمت 80 لاکھ مقرر کردی

تازہ ترین
انٹرٹینمنٹ
09 فروری ، 2021


حکومت نے بالی ووڈ کے لیجنڈ اداکار دلیپ کمار کے پشاور کے آبائی گھر کی قیمت 80 لاکھ روپے مقرر کردی ہے۔

دلیپ کمار کے پشاور کے آبائی گھر کی قیمت پر حکومت اور مالک مکان کے درمیان معاملات بننے کے امکانات معدوم ہوگئے۔

مالک مکان کی طرف سے گزشتہ روز 35 کروڑ مانگے جانے پر حکومت نے گھر کی قیمت 80 لاکھ روپے مقرر کردی ہے۔

یہ بھی پڑھیے


مالک مکان نے گزشتہ روز ڈی سی پشاور کے دفتر میں جمع کرائی گئی درخواست میں 7 کروڑ روپے فی مرلہ دینے کا مطالبہ کیا تھا۔

حکومت کی طرف سے گھر کی قیمت 80 لاکھ روپے مقرر کیے جانے کے بعد علاقے کے پراپرٹی ڈیلرز کا موقف بھی سامنےآگیا۔

پراپرٹی ڈیلرز کے مطابق محلہ خدا داد میں فی مرلہ زمین کی قیمت 3 تا 5 کروڑ روپے کے درمیان ہے۔

محکمہ آثار قدیمہ حکام کے مطابق گھر کی خریداری کے لیے سیکشن فور کے تحت مکان کی قیمت مقرر کردی گئی ہے، جلد ضلعی انتظامیہ کو رقم ادا کردی جائے گی۔

تازہ ترین