• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فیصل واؤڈا کے کاغذاتِ نامزدگی کی منظوری چیلنج

تازہ ترین
قومی خبریں
20 فروری ، 2021


پاکستان پیپلز پارٹی کے رہنما قادر خان مندوخیل ایڈووکیٹ نے سندھ ہائی کورٹ میں پاکستان تحریکِ انصاف کے سینیٹ کے امیدوار فیصل واؤڈا کے کاغذاتِ نامزدگی کی منظور کو چیلنج کر دیا۔

عدالتِ عالیہ میں قادر خان مندوخیل نے فیصل واؤڈا کو نااہل قرار دینے کی درخواست دائر کر دی۔

فیصل واؤڈا سے متعلق کارکنان کے اعتراضات مسترد

پاکستان تحریکِ انصاف (پی ٹی آئی) کے پارلیمانی بورڈ نے سندھ میں فیصل واؤڈا سے متعلق کارکنان کے اعتراضات مسترد کر دیئے۔

قادر خان مندوخیل نے اپنی درخواست میں مؤقف اختیار کیا ہے کہ فیصل واؤڈا نے امریکی شہریت سے متعلق حقائق چھپائے، ریٹرننگ افسرکے سامنے اعتراضات دائر کیئے مگر انہوں نے سننے سے ا نکار کر دیا۔

ان کا مزید کہنا ہےکہ ریٹرننگ افسر کا اقدام غیر قانونی اور غیر آئینی ہے، فیصل واؤڈا حقائق چھپانے پر عوامی عہدے کے لیے نا اہل ہیں۔

یہ بھی پڑھیے


قادر خان مندوخیل ایڈووکیٹ نے عدالتِ عالیہ سے استدعا کی ہے کہ فیصل واؤڈا کے کاغذاتِ نامزدگی مسترد کیئے جائیں، انہیں سینیٹ الیکشن کیلئے نا اہل قرار دیا جائے۔

قادر خان مندوخیل ایڈووکیٹ کی دائر کی گئی اپیل میں صوبائی الیکشن کمیشن، ریٹرنگ آفیسر اور فیصل واؤڈا کو فریق بنایا گیا ہے۔

تازہ ترین