برطانوی اپوزیشن لیڈر فلسطینیوں پر اسرائیلی مظالم پر بول پڑے

برطانوی اپوزیشن لیڈر کیئر اسٹارمر بھی فلسطینی مسلمانوں پر ٹوٹے جانے والے اسرائیلی مظالم پر بول پڑے۔

ایک بیان میں برطانوی اپوزیشن لیڈر کیئر اسٹارمر کا کہنا ہے کہ مسجدِ اقصیٰ میں عبادت کے دوران اسرائیلی فورسز کا حملہ افسوس ناک ہے۔

غزہ پر اسرائیلی بمباری، معصوم بچوں سمیت 20 فلسطینی شہید

او آئی سی کے مستقل مندوبین کا اجلاس آج ہوگا۔ فلسطینیوں کو زبردستی بے دخل کرنے کے معاملے پر غور کیا جائے گا

انہوں نے مزید کہا ہے کہ اسرائیل کو بین الاقوامی قوانین کی پاسداری کرنا ہو گی۔

برطانوی اپوزیشن لیڈر کیئر اسٹارمر نے زور دیا کہ اسرائیل فلسطینی رہنماؤں سے بات چیت کے ذریعے مسائل کو حل کرے۔

واضح رہے کہ گزشتہ ایک ہفتے سے اسرائیلی بربریت میں اضافہ ہوا ہے، اس دوران اسرائیلی فورسز نے مسجد اقصیٰ میں نمازیوں پر حملہ کر دیا، اسرائیلی فورسز کے اہلکار جوتوں سمیت مسجد میں داخل ہو گئے۔

مسجدِ اقصیٰ کے احاطے میں فلسطینیوں اور اسرائیلی فورسز میں مسلسل جھڑپیں جاری ہیں۔

گزشتہ روز غزہ پر اسرائیل کی فوج نے وحشیانہ بمباری کی جس کے نتیجے میں معصوم بچوں سمیت 20 فلسطینی شہید ہو گئے۔