پنجاب: کورونا مثبت کیسز کی شرح 2 فیصد پر برقرار

پنجاب میں کورونا وائرس کے مثبت کیسز کی شرح 2 فیصد پر برقرار ہے، جبکہ لاہور میں کورونا مثبت کیسز کی شرح 5 اعشاریہ 6 فیصد ریکارڈ کی گئی۔

دنیا: کورونا وائرس سے اموات 37 لاکھ 62 ہزار سے بڑھ گئیں

دنیا بھر میں کورونا وائرس سے متاثرہ افراد کی تعداد 17 کروڑ 47 لاکھ 51 ہزار 298 تک جا پہنچی ہے جبکہ اس موذی وائرس سے اموات 37 لاکھ 62 ہزار 901 ہو گئیں۔

پنجاب کے محکمہ صحت کی رپورٹ کے مطابق گزشتہ 24 گھنٹوں میں صوبے بھر میں کورونا وائرس کے 12 ہزار 323 ٹیسٹ کیے گئے، جن میں سے 247 کا نتیجہ مثبت آیا۔

گزشتہ 24 گھنٹوں کے دوران صوبائی درالخلافہ لاہور میں 1 ہزار 504 کورونا وائرس کے ٹیسٹ کیے گئے جن میں سے 85 مثبت پائے گئے۔

پاکستان: کورونا وائرس سے اموات میں اچانک اضافہ

ملک میں کورونا وائرس سے اموات میں اچانک اضافہ ہوا ہے، گزشتہ 24 گھنٹوں میں مزید 77 کورونا مریض انتقال کر گئے۔

پنجاب کے اسپتالوں میں 199 جبکہ لاہور کے اسپتالوں میں 78 کورونا وائرس کے مریض آئی سی یو میں زیرِ علاج ہیں۔

گزشتہ 24 گھنٹوں کے دوران پنجاب میں کورونا وائرس کے باعث 21 اور لاہورمیں 4 مریض جاں بحق ہوئے۔