سلطانز نے زلمی کو 8 وکٹوں سے ہرا دیا

پاکستان سپر لیگ (پی ایس ایل) کے چھٹے ایڈیشن کے 21ویں میچ میں ملتان سلطانز نے پشاور زلمی کو 8 وکٹوں سے شکست دے دی۔

ابوظبی میں کھیلے گئے اس میچ میں ملتان سلطانز نے ٹاس جیت کر پشاور زلمی کو پہلے بیٹنگ کی دعوت دی۔ زلمی نے سلطانز کو جیت کے لئے 167 رنز کا ہدف دیا تھا۔

ہدف کے تعاقب میں ملتان سلطانز کے کپتان محمد رضوان اور صہیب مقصود نے شاندار کھیل پیش کرتے ہوئے 167 رنز کا ہدف 2 وکٹوں کے نقصان پر 16 اعشاریہ 3 اوورز میں حاصل کرلیا۔

محمد رضوان ناقابل شکست رہے جنہوں نے 56 گیندوں پر 82 رنز بنائے، ان کی اننگز میں 2 چھکے اور 9 چوکے شامل تھے۔

صہیب مقصود نے 31 گیندوں پر 61 رنز بنائے، ان کی اننگز میں 5 چھکے اور 4 چوکے شامل تھے۔

پشاور زلمی کی جانب سے فاسٹ بولر محمد عرفان اور محمد عمران نے ایک، ایک وکٹ حاصل کی۔

اس سے قبل پشاور زلمی نے مقررہ 20 اوورز میں 7 وکٹوں کے نقصان پر 166رنز بنائے تھے۔

زلمی کا سلطانز کو جیت کیلئے 167رنز کا ہدف

پشاور زلمی نے مقررہ 20 اوورز میں 7 وکٹوں کی نقصان پر 166رنز بنائے اور ملتان سلطانز کو جیت کے لیے 167رنز کا ہدف دیا

زلمی کی جانب سے سب سے نمایاں کھلاڑی شرفین ردرفورڈ رہے جنہوں نے 40 گیندوں پر 56 رنز بنائے۔ ان کی اننگز میں 4 چھکے اور 2 چوکے شامل تھے۔

ملتان سلطانز کی طرف سے سب سے کامیاب بولر شاہنواز ڈاھانی رہے، فاسٹ بولر نے 4 اوورز میں 31 رنز کے عوض زلمی کے 4 شکار کئے۔ جبکہ بلیسنگ مزارابانی نے بھی ایک وکٹ حاصل کی۔