کورونا کے معاملے پر وفاقی حکومت کا رویہ سنجیدہ نہیں، بلاول بھٹو

پیپلز پارٹی کے چیئرمین بلاول بھٹو زرداری نے کہا ہے کہ کورونا وائرس کے معاملے پر وفاقی حکومت کا رویہ سنجیدہ نہیں۔

پریس کانفرنس کے دوران بلاول بھٹو زرداری نے کہا کہ وفاقی حکومت عوام کی جانوں پر سیاست کر رہی ہے، کورونا کے معاملے پر وفاقی حکومت کا رویہ سنجیدہ نہیں۔

انہوں نے کہا کہ جیسے بھارت میں کورونا وائرس پھیلا ہوا ہے، اگر سندھ میں ایسا ہوا تو ذمے دار وفاقی حکومت ہوگی۔

گورنر عمران اسماعیل کی وزیراعلیٰ مراد علی شاہ کے لاک ڈاؤن پر تنقید

گورنر سندھ عمران اسماعیل نے ایک جانب وزیراعلیٰ سندھ سید مراد علی شاہ کی طرف تعاون کا ہاتھ بڑا اور ساتھ ہی تنقید کے تیر بھی چلادیے۔

مسٹر زرداری آپ کیا چاہتے ہیں؟ اسد عمر کا بلاول سے سوال

وفاقی وزیر اسد عمر نے بلاول بھٹو زرداری کو مخاطب کرتے ہوئے استفسار کیا کہ مسٹر زرداری آپ کیا چاہتے ہیں؟ لاک ڈاؤن، لاک ڈاؤن، لاک ڈاؤن؟

پی پی چیئرمین نے مزید کہا کہ وفاق نا تو خود ہی کچھ کرتا ہے اور نہ کسی اور کو کچھ کرنے دیتا ہے، کورونا سے متعلق سندھ حکومت کے اقدامات کو سبوتاژ کرنے کی کوشش کی جارہی ہے۔

اُن کا کہنا تھا کہ اگر وفاقی حکومت ہمارے فیصلوں سے مطمئن نہیں تھی تو انہیں چپ رہنا چاہئے تھا، پیپلز پارٹی نے نہ کل سیاسی انتقام برداشت کیا نہ آج کرے گی۔

بلاول بھٹو زرداری نے یہ بھی کہا کہ خان صاحب اور ان کے وزرا اس قسم کے بیانات دے رہے ہیں، جن سے لگتا ہے کہ ایک نہیں دو پاکستان ہیں۔

انہوں نے کہا کہ جب کراچی میں 30 فیصد سے زائد مثبت کیسز آرہے ہیں، تو وفاقی وزرا بیانات کے ذریعے ہمارے اقدامات کو نقصان پہنچانے کی کوشش کررہے ہیں۔

پی پی چیئرمین نے کہا کہ تبدیلی کا اصل چہرہ تاریخی مہنگائی اور بے روزگاری ہے۔

ان کا کہنا تھاکہ اپوزیشن مل کر کام کرے تو حکومت گِرا سکتے ہیں، پنجاب سے بزدار کو بھگا سکتے ہیں۔