• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعلیٰ بلوچستان کیخلاف تحریک عدم اعتماد ناکام ہوگی، لیاقت شہوانی کا بھی دعویٰ

تازہ ترین
قومی خبریں
21 ستمبر ، 2021


ترجمان حکومت بلوچستان لیاقت شہوانی نے بھی کہا ہے کہ وزیراعلیٰ بلوچستان جام کمال کے خلاف تحریک عدم اعتماد ناکام ہوگی۔ 

پریس بریفنگ کے دوران لیاقت شہوانی کا کہنا تھا کہ پی ڈی ایم بلوچستان حکومت کی تین سالہ کارکردگی سے خوفزدہ ہے۔

ترجمان حکومت نے کہا کہ تین سال میں ریکارڈ ترقیاتی اسکیمیں مکمل کی گئی ہیں، موجودہ حکومت کے دور میں 984 پرانی اسکیمیں بھی مکمل کی گئیں۔

لیاقت شاہوانی کا کہنا تھا کہ بلوچستان کے کورونا سے بچاؤ کے لیے ویکسینیشن کا عمل تیز کردیا گیا ہے۔

کسی صورت بھی جام کمال کو وزیراعلیٰ نہیں دیکھ سکتے، ملک سکندر ایڈووکیٹ

اپوزیشن لیڈر بلوچستان اسمبلی ملک سکندر ایڈووکیٹ نے دوٹوک اعلان کرتے ہوئے کہا ہے کہ کسی صورت بھی جام کمال کو وزیراعلیٰ کے روپ میں نہیں دیکھ سکتے۔

ترجمان بلوچستان حکومت نے کہا کہ حزب اختلاف کی جماعتوں سے جام کمال خان کی حکومت کو کوئی خطرہ نہیں۔

انہوں نے یہ بھی کہا کہ پی ڈی ایم کو بلوچستان میں ہر محاذ پر شکست دیں گے، بلوچستان عوامی پارٹی کے ناراض اراکین سے مصالحتی عمل آگے بڑھ رہا ہے

لیاقت شاہوانی کا کہنا تھا کہ اپوزیشن کی وزیراعلیٰ کے خلاف عدم اعتماد کی تحریک ناکام ہوگی۔

تازہ ترین