فرمان الہی
نماز کے اوقات
وفاقی وزیرِ توانائی اویس لغاری نے کہا ہے کہ عارف حبیب کنسورشیم کی کامیاب بولی معیشت کی بحالی کی علامت ہے۔
ایک بیان میں اویس لغاری نے کہا کہ 135 ارب روپے کی کامیاب بولی سرمایہ کاروں کے اعتماد کا مظہر ہے، وزیرِ اعظم کی قیادت میں نجکاری کا تاریخی مرحلہ مکمل ہوا۔
انہوں نے کہا کہ مشیرِ نجکاری محمد علی کی کاوشیں، فیلڈ مارشل کی رہنمائی پی آئی اے کی نجکاری میں اہم ثابت ہوئی ہے۔
وفاقی وزیر نے مزید کہا کہ یہ نجکاری عالمی برادری کے پاکستان پر بڑھتے اعتماد کا ثبوت ہے، عارف حبیب کنسورشیم کی کامیاب بولی معیشت کی بحالی کی علامت ہے۔
اُن کا کہنا ہے کہ پی آئی اے کی نجکاری سے حکومتی اصلاحات اور شفاف پالیسیوں پر اعتماد کی عکاس ہے، یہ کامیابی پاکستان کے معاشی استحکام کی جانب مضبوط پیشرفت کی نشاندہی کرتی ہے۔
