فرمان الہی
نماز کے اوقات
قاہرہ(مانیٹرنگ ڈیسک)مصر میں ال گونا فلم فیسٹیول کے مرکزی ہال میں اچانک بھڑکنے والی آگ پر قابو پالیا گیا۔میڈیا رپورٹ کے مطابق مصر کے فلم فیسٹیول میں آتشزدگی کے کچھ دیر بعد ہی واقعے کی ویڈیوز سوشل میڈیا پر وائرل ہونا شروع ہوگئی تھیں۔فلم فیسٹیول کی انتظامییہ نے ایک بیان میں کہا کہ ’ال گونا فلم فیسٹیول مینجمنٹ نے ال گونا کانفرنس اینڈ کلچر سینٹر میں بھڑکنے والی آگ پر قابو پانے کا اعلان کیا’۔بیان میں کہا گیا کہ ’آگ نے فیسٹیول کی افتتاحی سرگرمیوں کے لیے تیار کیے گئے ہال کے ایک چھوٹے سے حصے کو نقصان پہنچایا’۔انتظامیہ نے کہا کہ ’آگ لگنے کے بعد ال گونا فلم فیسٹیول منیجمنٹ نے سول پروٹیکشن فورسز کے ساتھ مل کر آگ پر قابو پانے کے لیے ال گونا فائر فائٹنگ فورسز کے تعاون سے فائر ٹرک بھیجے’۔بیان میں مزید کہا گیا کہ فیسٹیول کی انتظامیہ نے حادثے کی وجوہات جاننے کے لیے فوری طور پر تفصیلی تحقیقات کا آغاز کیا ہے اور شبہ ہے کہ کوئی شارٹ سرکٹ ہوا تھا۔ فیسٹیول انتظامیہ نے عربی زبان میں ایک ریکارڈنگ بھی ٹوئٹ کی جس میں فیسٹیول کی کمپنی اور اس کام ڈیولپمنٹ ہولڈنگ کے چیئر پرسن سمیع سویرس نے بھی مذکورہ بیان دہرایا۔ کم از کم 8افراد کو دھوئیں کی وجہ سے اسپتال میں علاج کی ضرورت پیش آئی۔فلم فیسٹیول کا پانچواں ایڈیشن 14سے 22اکتوبر کے درمیان بحیرہ احمر کے ریزورٹ ٹاؤن ال گونا میں منعقد ہوگا۔اس فلم فیسٹیول کی بنیاد 2017میں ارب پتی مصری تاجر نجیب سویرس نے رکھی تھی اور یہ ال گونا ریزورٹ میں منعقد کیا جاتا ہے۔
