امریکہ: ٹرک سے درجنوں تارکین وطن کی لاشیں برآمد

June 30, 2022

واشنگٹن(نیوز ڈیسک)امریکہ کی ریاست ٹیکساس میں ایک ٹرک سے 46تارکین وطن کی لاشیں برآمد ہوئی ہیں۔غیرملکی میڈیا کے مطابق ٹیکساس کے علاقے سان انتونیو میں ایک لاوارث ٹرک سے 46تارکین وطن کی لاشیں ملی ہیں۔پولیس حکام کے مطابق ڈرائیور ٹرک کا ائیرکنڈیشن کام نہیں کررہا تھا اورنہ ہی ٹرک میں پینے کے لئے پانی موجود تھا جبکہ ڈرائیور ٹرک چھوڑ کر فرار ہوگیا تھا۔ تین افراد کو حراست میں لے لیا گیا ہے۔تمام افراد ممکنہ طورپر بہتر مستقبل کی تلاش میں انسانی اسمگلروں کی مدد سے امریکہ آئے تھے۔حکام نے ہلاک ہونے والوں کی قومیتوں کے حوالے سے کچھ نہیں بتایا ۔مزید تحقیقات جاری ہیں۔