بریڈفورڈ (محمد رجاسب مغل ) بریڈفورڈ کا ایک خاندان اپنے چار سالہ بچے کی صحت کی وجہ سے پریشانی میں ہے۔ ڈاکٹرز نے بچے کی بیماری کو جنیاتی قرار دیتے ہوئے اسے لا علاج قرار دیا ہے، پیدائش کے وقت بالکل صحت مند نظر آنے کے باوجود ننھے میکائیل نے دو سال کی عمر میں صحت کی غیر واضح جدوجہد کا سامناکرنا شروع کیا، بظاہر عام قبض کے طور پر جو چیز شروع ہوئی وہ تھکاوٹ، سانس لینے میں دشواری اور کھانے یا سونے کے مسائل میں تبدیل ہوگئی، اس دوران میکائیل کا پیٹ ناقابل یقین حد تک پھول گیا اور اس کی شکل و صورت اور چلنے کے انداز میں جسمانی فرق تھا، ڈاکٹرز نے اسے جینیاتی بیماری قرار دیتے ہوئےاسے ہنٹرز سنڈروم، یا MPS قسم سیکنڈ کے نام سے بیماری کی تشخیص کی ہے ڈاکٹرز کا کہنا ہے کہ اس کے لا علاج ہونے کا مطلب یہ ہے کہ میکائیل میں ایک اہم انزائم غائب ہے جو جسم میں کنیکٹیو ٹشوزبنانے کے لیے استعمال ہونے والے شوگر کے مالیکیولز کی زنجیروں کو توڑ دیتا ہے جب کہ بچے کی دادی آمنہ خان نے کہا کہ اگر وہ خوش قسمت ہیں تو 10 سے 20 سال کی عمر کے درمیان اس کی تشخیص ممکن ہے، تکلیف کے باوجود چار سالہ میکائیل معمول کی زندگی بسر کرنے کی کوشش کر رہا ہے، خاندان اپنے چھوٹےسپاہی کو کیلی فورنیا میں آزمائشی طور پر ایک نئی قسم کے انزائم کا علاج حاصل کرنے کے لیے تیار ہے۔ مانچسٹرچلڈرن ہسپتال کے ماہرین کی سربراہی میں بریڈ فورڈ میں ٹیمیں میکائیل کو اس کی پوری زندگی میں روزانہ انزائم کا علاج فراہم کریں گی جس سے میکائیل کے درد ناک علامات کو کم کر نے میں مدد ملے گی۔ آمنہ خان کا کہنا ہے کہ چار سالہ میکائیل مضبوط اور بہادر ہے ، وہ مشکلات کا مقابلہ کر سکتا ہے کیونکہ ہمیں اس کے لیے لوگوں سے بہت پیار اور حمایت ملی ہے، ہمیں تشخیص کرنے میں کافی وقت لگا تاہم ہمیں ذہن کو ایک مثبت فریم میں رکھنا ہوگا، ہم اس سے کبھی دستبردار نہیں ہوں گے، اس حوالے سے خاندان نے Go Fund Me کے ذریعے علاج معالجے کے لیے کمیونٹی سے مدد کی اپیل کی ہے، خصوصی طور پر رقم جمع کرنے اور اپنے معیار زندگی کو بہتر بنانے کی اجازت دے گا کہ میکائیل اور اس کے تین بہن بھائیوں کو ایک ساتھ مزید یادیں بنانے کا موقع ملے گا، خاندان اسے مارٹن ہاؤس چلڈرن ہاسپیس کے دورے کے لیے بھی استعمال کرے گا جو جلد ہی میکائیل کے لیے مہلت پیش کرے گا۔ کوئی بھی اضافی فنڈز دیکھ بھال کے سامان کے اخراجات، مانچسٹر کے ہسپتال کے آنے جانے اور یوٹیلیٹی بل کی ادائیگیوں میں جائیں گے، میکائیل کو اپنی صحت کے مسائل کی وجہ سے دن میں کئی بار نہانے کی ضرورت ہوتی ہے لیکن رہائش کے بڑھتے ہوئے اخراجات اور رہائش کے جاری مسائل نے خاندان کے مالی معاملات کو متاثر کیا ہے۔ یارکشائر بھر کے لوگوں نے اس مقصد کے لیے اب تک تقریباً دو ہزار پونڈ جمع کیے ہیں جس کے لیے خاندان نے ان کا شکریہ ادا کیا ہے۔