کراچی (اسٹاف رپورٹر) جوڈیشل مجسٹریٹ ملیر کی عدالت نے نجی چینل کے عماد یوسف کا نام مقدمے سے خارج کرنے کا حکم دے دیا ۔ عدالت نے عماد یوسف کو ایک لاکھ روپے کے مچلکے جمع کروانے کا حکم بھی دیا ہے ۔ جمعرات کو جوڈیشل مجسٹریٹ ملیر کی عدالت میں پولیس کی جانب سے نجی چینل کے ہیڈ عماد یوسف کو پیش کیا گیا ۔ اس موقع پر تفتیشی افسر کی جانب سے جسمانی ریمانڈ کی استدعا کی گئی ۔ عماد یوسف کے وکیل نعیم قریشی ایڈووکیٹ کی جانب سے مؤقف اختیار کیاگیاکہ عماد یوسف کا نام مقدمے میں شامل کرنا بدنیتی ہے۔