لندن (پی اے) سکاٹ لینڈ میں پیریڈ پروڈکٹس کا قانون نافذ کیا جا رہا ہے۔ رپورٹ کے مطابق قانون کے نفاذ سے سکاٹ لینڈ دنیا کا پہلا ملک بن جائے گا، جو پیر کو مفت مخصوص ایام کی مصنوعات کے حق کا تحفظ کرے گا۔ پیریڈ پروڈکٹس ایکٹ کا مطلب یہ ہے کہ کونسلز اور تعلیم فراہم کرنے والے اداروں کے لئے یہ لازم ہوگا کہ وہ ان لوگوں کو مفت سینیٹری مصنوعات فراہم کریں، جنہیں ان کی ضرورت ہے۔2017سےعوامی ترتیبات میں رسائی فراہم کرنے کے لئے تقریباً 27 ملین پونڈز خرچ کئے جا چکے ہیں۔ اس قانون سازی کی تجویز لیبر ایم ایس پی مونیکا لینن نے پیش کی تھی اور اس کی 2020میں سکاٹش پارلیمنٹ میں متفقہ طور پر حمایت کی گئی تھی۔ محترمہ لینن نے کہا کہ مجھے فخر ہے کہ میں پیریڈ پروڈکٹس ایکٹ کا آغاز کر رہی ہوں جو پہلے ہی سکاٹ لینڈ اور دنیا بھر میں مثبت تبدیلیوں کو متاثر کر رہا ہے۔ مقامی حکام اور شراکت دار تنظیموں نے مفت مخصوص ایام کیمصنوعات تک رسائی کے قانونی حق کو حقیقت بنانے کے لئے سخت محنت کی ہے۔ انہوں نے کہا کہ میں ان کا اور ان ہزاروں لوگوں کی شکر گزار ہوں جو ملک بھرسے اس میں شامل ہوئے ہیں۔ یہ مہم چلانے والوں اور نچلی سطح کی تحریکوں کے لئے ایک اور بڑا سنگ میل ہے جو اس فرق کو ظاہر کرتا ہے جو ترقی پسند اور جرات مندانہ سیاسی انتخاب کر سکتے ہیں۔ جیسے جیسے ضروریات زندگی کے اخراجات میں اضافہ کا بحران زور پکڑ رہا ہے، پیریڈ پروڈکٹس ایکٹ امید کی کرن بن گیا ہے جو ظاہر کرتا ہے کہ جب سیاست دان ان لوگوں کی بھلائی کے لئے اکٹھے ہوتے ہیں جن کی ہم خدمت کرتے ہیں تو کیا حاصل کیا جا سکتا ہے۔ وزیر سماجی انصاف شونا رابیسن نے کہا کہ مفت مخصوص ایامکی مصنوعات تک رسائی فراہم کرنا مساوات اور وقار کے لئے بنیادی عنصرہےاور اس تک رسائی میں مالی رکاوٹوں کو دور کرتی ہے۔ یہ ایک ایسے وقت میں پہلے سے کہیں زیادہ اہم ہے جب لوگ ضروریات زندگی کے اخراجات میں اضافہ کے بحران کی قیمت کی وجہ سے مشکل انتخاب کر رہے ہیں اور ہم کبھی نہیں چاہتے کہ کوئی بھی ایسی پوزیشن میں ہو جہاں وہ مخصوص ایامکی مصنوعات تک رسائی حاصل نہ کر سکیں۔ 2018ء کے بعد سےہم نے اپنے تمام اسکولوں، کالجوں اور یونیورسٹیوں میں طلباء اور طالب علموں کے لئے مفت پیریڈ پروڈکٹس فراہم کر کے ایک شاندار اقدام کیا ہے۔ہمیں فخر ہے کہ ہم دنیا کی پہلی قومی حکومت ہیں جس نے ایسا اقدام کیا۔ سکاٹ لینڈ میں جو کام ہم کر رہے ہیں وہ عالمی سطح پر جاری ہے، یہ مفت مصنوعات کی فراہمی سے آگے ہے۔ ہم نے آجروں کے لئے ایک تعلیمی ویب سائٹ کے لئے فنڈنگ بھی فراہم کی ہے، ایک کامیاب انسداد بدنامی کی مہم چلائی ہےاور اسکولوں کیلئے دستیاب ماہواری سے متعلق صحت کے وسائل کو بہتر بنایا ہے۔ انہوں نے مزید کہا کہ میں ان تمام نوجوان خواتین اور لڑکیوں کی شکر گزار ہوں، جنہوں نے اپنی ضروریات کو پورا کرنے کیلئے مصنوعات تک رسائی کے بہترین طریقے تیار کرنے میں اہم کردار ادا کیا ہے۔