مانچسٹر (غلام مصطفیٰ مغل) گریٹر مانچسٹر پولیس نے بیری مارکیٹ اسٹریٹ پر واقع ایک پراپرٹی میں اے کلاس کی منشیات پکڑی ہے اور ایک شخص کو گرفتار کیا ہے۔ 29سالہ نوجوان دانیال غفور کاؤنٹی لائنز نیٹ ورک کیلئے کام کر رہا تھا اور اس نے موبائل فون کا استعمال کرتے ہوئے کریک کوکین اور ہیروئن کی فروخت کے اشتہار میں متعدد پیغامات بھیجے۔ اس بات کی نشاندہی کرنے کیلئے کہ کون راچڈیل کے علاقے میں اور اس کے آس پاس منشیات فراہم کر رہا ہے۔گریٹر مانچسٹر پولیس کی سرشار کاؤنٹی لائنز ٹیم نے ایک خفیہ تفتیش شروع کی جس کا کوڈ نام آپریشن جیگ رکھا، جب غفور کی شناخت ہوئی تو سنوڈن اسٹریٹ پر ایک پراپرٹی پر وارنٹ پر عمل درآمد کیا گیا۔ غفور اندر تھا اور اس کے قبضے میں ہیروئن کے 16ریپ اور کریک کوکین کے 32ریپ تھے، ایک اور وارنٹ مارکیٹ سٹریٹ پر واقع پراپرٹی پر عمل میں لایا گیا جہاں منشیات کی بڑی مقدار موجود تھی۔ غفور کو کریک کوکین اور ہیروئن سپلائی کرنے کے شبے میں گرفتار کیا گیا اور دوران حراست اس نے پوچھے گئے تمام سوالات کے جوابات نہیں دیئے ۔ اس کے بعد اس پر فرد جرم عائد کی گئی اور اس نے جرائم کا اعتراف کیا،3فروری کو غفور نے منشول اسٹریٹ کراؤن کورٹ میں حاضری دی جہاں ایک جج نے اسے سزا سنائی۔ جاسوس چیف انسپکٹر کلیئر میک گائر نے کہا تحقیقات گرافٹ فون استعمال کرنے والے شخص کی شناخت کے ارد گرد انٹیلی جنس جمع کرنے پر مرکوز تھی۔ اس موبائل فون سے ہم نے غفور کو ایک ایسے شخص کے طور پر جو کمزور صارفین کو A کلاس کی منشیات کی فروخت کا اشتہار دے رہا تھا جو اس کاؤنٹی لائنز نیٹ ورک کیلئے اس کا کردار تھا۔ ہم غفور جیسے لوگوں کی شناخت اور تلاش کرنے کے لیے پرعزم ہیں جو منشیات کی سپلائی سے منافع کماتے ہیں جو اکثر کمزور لوگوں اور چھوٹے بچوں کا استحصال کرتے ہیں۔ جب تک ہم ان مجرموں کو نشانہ بناتے رہیں گے، عوام کے تعاون کے بغیر ہم نتائج حاصل نہیں کر سکتے۔ اس لیے میں کسی بھی شخص کی حوصلہ افزائی کرتا ہوں جو یہ مانتا ہے کہ منشیات کی سرگرمی ان کی کمیونٹی میں ہو سکتی ہے یا تو 101 کے ذریعے پولیس کو یا 0800 555 111 پر کرائمسٹاپرز کے ذریعے گمنام طور پر اس کی اطلاع دیں۔