کراچی (اسٹاف رپورٹر) ایس ایس پی سٹی عارف عزیز نے شہدائےپولیس،غازی اور طبعی طور انتقال ہونے والوں کی فیملیز کے اعزاز میں ایک تقریب کا انعقاد کیا۔ تقریب میں شہداء،غازیوں کی فیملیز،ایس ڈی پی اوز اور ایس ایچ اوز نے شرکت کی ۔ ایس ایس پی سٹی نے تمام فیملیز سے ملاقات کرتے ہوئے اس بات کا یقین دلایا کہ پولیس ہمیشہ آپ کے شانہ بشانہ کھڑی ہے۔ پولیس کے شہداء ہمارا فخر اور ہمارا قیمتی اثاثہ ہیں۔ پولیس کے شہداء نے اپنی قیمتی جانوں کا نذرانہ دے کر اور اپنی پوری زندگی عوام کی خدمت میں گزار کر اس ملک میں امن و سکون قائم کیا ہے۔