طیارے سے اسکیٹ بورڈ کے ذریعے چھلانگ لگانے کا ورلڈ ریکارڈ

March 21, 2023

برازیل کی لیٹیسیا بفونی نے سی 130 طیارے سے اسکیٹ بورڈ کے ذریعے چھلانگ لگا کر گنیز بک آف ورلڈ ریکارڈ قائم کر دیا۔

طیارہ 9 ہزار فٹ کی بلندی پر پرواز کر رہا تھا، لیٹیسیا نے 9 کلو وزنی پیراشوٹ پہن رکھا تھا۔

سی 130 طیارے کے پچھلے حصے سے انہوں نے اسکیٹ بورڈ پر چڑھ کر چھلانگ لگائی۔


چھلانگ لگاتے ہی اسکیٹ بورڈ تو ہواؤں میں کہیں اڑ گیا لیکن لیٹیسیا بحفاظت زمین پر اتر گئیں۔

29 سالہ لیٹیسیا بفونی اسکیٹ بورڈنگ کی چیمپئن ہیں۔ ان کا تعلق برازیل سے ہے لیکن وہ امریکا میں رہائش پذیر ہیں۔