اسلام آباد ( رپورٹ،حنیف خالد )سعودی عرب سے آئے ہوئے گاکا ایوی ایشن سکیورٹی کے مہمان وفد نے دورے کا پہلا مرحلہ مکمل کرلیا۔لیڈ انسپکٹر محمد العجمی کی قیادت میں وفد نے پہلے مرحلے میں کراچی ایئرپورٹ کا دورہ کیا اور سیکیورٹی انتظامات کا معائنہ کیا۔وفد نے سعودی ایئر لائنز کی جانب سے کئے گئے سیکیورٹی انتظامات کا بھی جائزہ لیا۔ مہمان انسپکٹرز نے ہوائی اڈے پر مسافروں اور کارگو سے متعلق سکیورٹی ،کیٹرنگ اور سامان کی حفاظت سے متعلق کئے گئے مختلف انتظامات کا بھی جائزہ لیا اور حفاظتی انتظامات پر اطمینان کا اظہار کیا۔سیکورٹی وفد نے سیکیورٹی کے حوالے سے مستقبل کے لئے چند سفارشات بھی پیش کیں۔پہلا مرحلہ مکمل ہونے پر آٹھ رکنی مہمان وفد کراچی سےواپس سعودی عرب واپس روانہ ہوگیا۔ʼگاکاʼکا سکیورٹی وفد 13 جون کو اپنے دورے کے دوسرے مرحلے میں دوبارہ پاکستان آئے گا اورلاہور، سیالکوٹ، ملتان، اسلام آباد اور پشاور کے ہوائی اڈوں کا دورہ کرے گا۔