سدنی (نیوز ڈیسک) آسٹریلیا کے شہر سڈنی سمیت جنوبی مشرقی حصے کو گزشتہ دو دن سے گرمی کی لہر کا سامنا ہے جو آج شدت اختیار کر گیا۔ غیر ملکی خبر ایجنسی کے مطابق آسٹریلوی محکمہ موسمیات کے مطابق ہیٹ ویو کے باعث آسٹریلیا میں گرمی کے نئے ریکارڈ بننے کا امکان ہے۔ ستمبر کے اوسط درجہ حرارت سے 16ڈگری سینٹی گریڈ تک بڑھنے کی توقع ہے۔ آسٹریلوی محکمہ موسمیات کا کہنا ہے کہ آج درجہ حرارت 36ڈگری سینٹی گریڈ تک جاسکتا ہے جبکہ کل تک اس میں 22ڈگری سینٹی گریڈ تک بدریج کمی آسکتی ہے۔ خبر ایجنسی کے مطابق گزشتہ ویک اینڈ سے شروع ہونے والی گرمی کی لہر ممکنہ طور پر جنوبی آسٹریلیا، وکٹوریہ، نیو ساؤتھ ویلز کی ریاستوں میں بدھ تک جاری رہے گی۔ خبر ایجنسی کے مطابق شدید گرمی کی لہر کے باعث مزید 26 افراد کی حالت غیر ہوگئی جنہیں فوری بنیاد پر اسپتال منتقل کیا گیا جبکہ تقریباً 40 افراد پہلے ہی زیر علاج ہیں۔ ہیٹ ویو سے آسٹریلیا کے کئی علاقوں میں آگ لگنے کے خطرات بھی بڑھ گئے ہیں۔