فرمان الہی
نماز کے اوقات
کراچی(ثاقب صغیر، افضل ندیم ڈوگر )غیرملکی گاڑیوں کی امورٹ کی آڑ میں حوالہ ہنڈی کے انکشاف پر وفاقی تحقیقاتی ادارے ایف آئی اے نے کریک ڈاون شروع کردیا ہے۔ ایف آئی اے حکام کے مطابق ایف آئی اے نے خلاف ضابطہ کاروبار میں ملوث کار شوروم مالکان کی فہرست تیار کرلی ہے۔ ابتدائی طور پر خالد بن ولید روڈ کراچی کے 4 کار شوروم مالکان کو ایف آئی اے کو ہفتے کو نوٹس جاری کر دیئے گئے ہیں۔ اس سلسلے میں شوروم مالکان کو 26 ستمبر کو ایف آئی اے کے اسٹیٹ بنک سرکل صدر کراچی طلب کرلیا گیا۔ حوالہ ہنڈی کے ذریعے بیرون ملک سے منگوائی گئی گاڑیوں کی آڑ میں بلیک منی کو وائٹ کئے جانے کا انکشاف ہوا ہے۔ تحقیقات میں کراچی سمیت سندھ کے تمام کار شورومز مالکان کو شامل تفتیش کئے جانے کا امکان ہے۔ کار شوروم اسکینڈل کی تحقیقات کیلئے ڈپٹی ڈائریکٹر سی بی سی رابعہ قریشی کی سربراہی میں ٹیم تشکیل دی گئی ہے۔ ٹیم کے دیگر ارکان میں ایس ایچ او سی بی سی انسپکٹر شاہد حسین، سب انسپکٹرز نصر اللہ خان اور دیگر شامل ہیں۔
