• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انگلش پریمیئر لیگ کے مقابلے جاری، آج دو میچ ہوں گے

آج کا اخبار
یورپ سے
06 دسمبر ، 2023
لندن (اے پی پی)انگلش پریمیئر لیگ میں آج (بدھ کو )مزید دو میچوں کا فیصلہ ہوگا۔ پریمیئر فٹ بال لیگ کے 32ویں سیزن کے 125ویں ایڈیشن کے دلچسپ مقابلوں کا سلسلہ انگلینڈ میں جاری ہیں۔ انگلش پریمیئر لیگ میں آج کھیلے جانے والے پہلے میچ میں وولور ہیمپٹن اور برنلے کی ٹیمیں مولینکس سٹیڈیم، وولور ہیمپٹن میں کے مقام پر نبرد آزما ہوں گی۔ وولور ہیمپٹن کی ٹیم اب تک 14 میچز میں سے چار جیت چکی ہے اور وہ ای پی ایل پوائنٹس ٹیبل پر 15پوائنٹس کے ساتھ 13 ویں نمبر پر موجود ہے جبکہ برنلے کی ٹیم بھی 14 میچز کھیل چکی ہے اور اس کو صرف دو میچز میں فتح نصیب ہوئی ہے اور وہ ای پی ایل ٹیبل پر 19 ویں نمبر پر موجود ہے۔ دوسرا میچ لیوٹن ٹاؤن اور آرسنل کی ٹیموں کے درمیان کینیل ورتھ روڈ، لوٹن میں کھیلا جائے گا۔آرسنل کی ٹیم اب تک 14 میچز کھیل چکی ہے جن میں سے اس کو 10 میچز میں کامیابی حاصل ہوئی ہے اور وہ ای پی ایل پوائنٹس ٹیبل پر سب سے زیادہ 33 پوائنٹس کے ساتھ ٹاپ پوزیشن پر موجود ہے۔ لیوٹن ٹاؤن کی ٹیم بھی 14 میچ کھیل چکی ہے جبکہ اس کو محض دو میچز میں فتح ملی ہے ۔ لیوٹن ٹاؤن کی ٹیم پوائنٹس ٹیبل پر 17 ویں نمبر پر موجود ہے۔
یورپ سے سے مزید