فرمان الہی
نماز کے اوقات
لاہور(آئی این پی)کالعدم تحریک لبیک پاکستان (ٹی ایل پی)نے اپنے اقدامات پر حکومت سے معذرت کرتے ہوئے مستقبل میں ایسا عمل نہ کرنے کی یقین دہانی کرادی، میڈیا کے مطابق کالعدم ٹی ایل پی کی جانب سے حکومت کو درخواست دئیے جانے کا انکشاف ہوا ہے،جماعت کی مرکزی شوری کے عہدیدار غلام غوث اور حفیظ اللہ نے درخواست دی۔
درخواست میں جماعت کے عہدیداروں نے حکومت سے اپنے غلط اقدام کی معذرت کر لی اور کہا ہے کہ تحریک لبیک پاکستان آئین کے تحت سیاسی جماعت کے طور پر اپنا کردار ادا کرے گی ۔ درخواست میں مستقبل میں ایسے اقدام نہ کرنے کا وعدہ کیا گیا ہے،حکومت کو یقین دہانی کرائی گئی ہے کہ ٹی ایل پی ملکی قوانین کے اندر رہ کر کام کرے گی۔
ریاست کی طرف سے طے کردہ قواعد و ضوابط پر کاربندرہے گی، درخواست میں تحریک لبیک پاکستان پر عائد پابندی ہٹانے کی استدعا بھی کی گئی،وفاق کی جانب سے درخواست حکومت پنجاب کو بھجوا ئی گئی تھی، ایڈیشنل چیف سیکرٹری داخلہ پنجاب ظفر نصر اللہ نے بھی درخواست دئیے جانے کی تصدیق کی ۔
