چٹاگانگ ٹیسٹ میں حسن علی کو بولنگ کے دوران امپائر کی تنبیہ

بنگلادیش کے خلاف سیریز کے پہلے ٹیسٹ میچ میں فاسٹ بولر حسن علی کو امپائر کی جانب سے تنبیہ کردی گئی۔ 

حسن علی کو بولنگ کے دوران گیند پر تھوک لگانے کی وجہ سے امپائر نے تنبیہ کی۔

بولرز کی اچھی کارکردگی کا ثمر ٹیم کی کامیابی کی صورت میں ملے گا، حسن علی

بنگلادیش کے خلاف پہلے ٹیسٹ میچ کی پہلی اننگز میں حسن علی نے شاندار پرفارمنس دیتے ہوئے 5 وکٹیں لیں۔

واضح رہے کہ آئی سی سی رولز کے مطابق کورونا وائرس کے پھیلاؤ کے بعد سے گیند پر تھوک لگانےکی اجازت نہیں ہے۔

خیال رہے کہ چٹاگانگ ٹیسٹ کی دوسری اننگز میں بنگلادیش نے تیسرے روز کھیل کے اختتام تک 4 وکٹوں پر 39 رنز بنالیے ہیں جس کے ساتھ ہی اسے پاکستان پر 83 رنز کی برتری حاصل ہے۔