فرمان الہی
نماز کے اوقات
کراچی (نیوز ڈیسک) پاکستانیوں کی اکثریت قومی کرکٹ ٹیم سے زیادہ بابر اعظم کی کارکردگی سے مطمئن نظر آتی ہے.
49فیصد پاکستانیوں کو بابر اعظم ، 48فیصد کو قومی کرکٹ ٹیم کی کارکردگی توقعات سے بہترلگی جبکہ پی سی بی کے چیئر مین رمیز راجہ بھی 40فیصد پاکستانیوں کی توقعات پر پورے اترنے میں کامیاب رہے ۔
اس بات کاانکشاف اپسوس پاکستان کے سروے میں ہوا جس میں 11سو سے زائد افراد نے ملک بھر سے حصہ لیا۔یہ سروے 18سے 24دسمبر 2021ء کے درمیان کیا گیا۔
سروے میں 49فیصد پاکستانیوں نے قومی ٹیم کے کپتان بابراعظم کی کارکردگی کو توقعات سے بہتر کہا۔
42فیصد نے جیسی کارکردگی کی توقع تھی ویسی ہی ہونے کا کہا۔ جبکہ9فیصد نے توقعات سے خراب کہا۔
پاکستان کرکٹ ٹیم بھی 48فیصد پاکستانیوں کو بھاگئی اور انہوں نے کی کارکردگی کو توقعات سے بہتر کہا۔ 42فیصد نے جیسی توقع تھی ویسی ہی ہونے کا بتایا جبکہ 10فیصد نے توقعات سے بُری کہا۔
پی سی بی کے چیئرمین رمیز راجہ کی کارکردگی کو 40فیصد نے توقعات سے بہتر کہا۔
52فیصد نے جیسی توقع تھی ویسی ہی ہونے کا کہا جبکہ 8فیصد نے توقع سے خراب کہا۔
