فرمان الہی
نماز کے اوقات
کراچی (نیوز ڈیسک) سائنسدانوں نے دعویٰ کیا ہے کہ زحل کے برفیلے چاند Mimas کی سطح کے نیچے پانی کی موجودگی کے ٹھوس شواہد موجود ہیں۔ غیر ملکی میڈیا کی رپورٹ کے مطابق، اب تک زحل کے چاند انسلاڈس اور مشتری کے چاند یوروپا کے متعلق خیال کیا جاتا رہا ہے کہ یہاں زندگی پنپ سکتی ہے، ان دونوں برفیلے چاندوں پر ارضیاتی سرگرمی کے آثار بھی موجود ہیں جس سے معلوم ہوتا ہے کہ ان کی اندرونی سطح گرم ہے جس میں مائع پانی سطح کے نیچے موجود ہو سکتا ہے۔ Mimas کو معروف انگریزی سائنس فکشن فلم اسٹار وارز کے خلائی اسٹیشن ڈیتھ اسٹار کے نام سے منسوب کیا گیا ہے، اور سائنسدانوں کو یہاں کسی طرح کی ارضیاتی سرگرمی کے آثار نہیں ملے، یہ چاند صرف جمی ہوئی برف کا ایک بڑا گولا ہے۔ لیکن اس کے برعکس، تحقیق سے یہ بات سامنے آئی ہے کہ جس زحل کے جس چاند کو برسوں قبل ایک مردہ سیارچہ قرار دیا گیا تھا، اب اسے ہی زندگی کے پنپنے کیلئے ٹھوس شواہد کا حامل چاند کہا جا رہا ہے۔ سائوتھ ویسٹ ریسرچ انسٹی ٹیوٹ کی ڈاکٹر الیسا رہوڈن کہتی ہیں کہ حیران کن بات ہے کہ میماس چاند کی سطح کے نیچے مائع پانی کے سمندر ہونے کے ٹھوس شواہد ملے ہیں۔
